मनकामनामा जन्ती सवार जीप दुर्घटना हुँदा ५ जनाको मृत्यु – Nepal Press

मनकामनामा जन्ती सवार जीप दुर्घटना हुँदा ५ जनाको मृत्यु

काठमाडौं । गोरखा मनकामनामा बेहुली लिएर फर्किँदै गरेको जन्ती सवार जीप दुर्घटना हुँदा ५ जनाको मृत्यु भएको छ ।

सहिद लखन गाउँपालिका-३ चिलिङकोटबाट बेहुली लिएर वडा नम्बर ५ ताक्लुङ फर्किँदै गरेको प्रदेश ३-०१-०२३ च ४४२७ नम्बरको जीप पात्लेखोलामा सडकबाट करिब साढे २ सय मिटर तल खसेको थियो । दुर्घटनामा १२ जना घाइते भएका छन् ।

गोरखा प्रहरी प्रवक्ता डीएसपी लीलाराम लामिछानेका अनुसार घटनास्थलमा ४ पुरुष र १ महिलाको घटनास्थलमै मृत्यु भएको छ ।

दुर्घटनामा घाइते भएका अन्य यात्रुलाई उपचारका लागि भरतपुर र आँबुखैरेनी पठाइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर