नेपालमा रासायनिक होइन, अर्गानिक मल कारखाना आवश्यक छ : पूर्वअर्थमन्त्री शर्मा
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/07/290302059_1351412325269157_5322433030425424195_n-e1657111229471.jpg)
काठमाडौं । पूर्वअर्थमन्त्री जनार्दन शर्माले नेपालमा रासायनिक मल कारखाना आवश्यक नभएको बताएका छन् ।
प्रतिनिधिसभामा बजेटमाथि मन्त्रालयगत छलफलको क्रममा उनले स्रोत र साधन भएकाले अर्गानिक मलमा जोड दिनुपर्ने बताए ।
उनले भने, ‘आज रासायनिक मल कारखानाको कुरा आइराखेको छ । नेपालमा रासायनिक मल कारखाना आवश्यक छैन । अर्गानिक मल कारखाना आवश्यक छ । हामीसँग भएका स्रोत, साधनहरूबाट, खनिजबाट हामी अर्गानिक मल कारखाना बनाउन सक्छौं । त्यतातर्फ सरकारको ध्यानाकर्षण गर्न चाहन्छु ।’
कृषिमा आधारित उद्योगलाई संघले अध्ययन र अनुसन्धान गर्ने, विज्ञहरूको उपलब्धता गराउने र प्रदेशले प्रशोधन उद्योगहरू स्थापना गर्नुपर्ने उनले बताए ।
पूर्वअर्थमन्त्री शर्माले स्थानीय सरकारले उत्पादनमा जोड दिँदै बाँझो जमिनको प्रयोगमा ध्यान दिनुपर्ने बताए ।