अध्यागमनकाे सर्भर डाउनपछि अन्तर्राष्ट्रिय उडान प्रभावित, सयाैं यात्रु मर्कामा
नेपाल प्रेस
२०८० असार ५ गते २१:४२
काठमाडौं । त्रिभुवन अन्तर्राष्ट्रिय विमानस्थलस्थित अध्यागमन कार्यालयको सर्भर डाउन भएको छ ।
सिंहदरबारबाट सञ्चालित सरकारी सर्भरको ट्रान्सफर्मर पड्किएर अध्यागमनको सर्भर डाउन भएको अध्यागमनका एक अधिकारीले जानकारी दिएका छन् । सर्भर डाउन हुँदा सयौं यात्रुलाई समस्या भएको छ ।
सर्भर डाउन भएपछि अन्तर्राष्ट्रिय उडान प्रभावित बन्न पुगेको छ ।
करिब एक घण्टादेखि सर्भरले काम नगर्दा आवागमन र प्रस्थानतर्फ भिसा र पासपोर्टको डिजिटल अध्ययन हुन नसकेकोले उडान प्रभावित भएको अध्यागमनले जनाएको छ ।
सर्भर सुचारु हुन अझै एक घण्टा लाग्ने बताइएको छ ।
नेपाल प्रेस
प्रकाशित: २०८० असार ५ गते २१:४२
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
