‘आदिपुरुष’बारे सदनमा असिम शाह- सरकारले सास दबाएर बसेपछि बालेनले बोलेर राम्रो गरे (भिडिओ)
‘छिमेकीबाट अस्तित्वमाथि अतिक्रमण भएपछि बोल्न सक्नुपर्छ’
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/03/Asim-Samsad.jpg)
काठमाडौं । राष्ट्रिय स्वतन्त्र पार्टीका सांसद असिम शाहले दक्षिण भारतीय फिल्म ‘आदिपुरुष’ आदिपुरुषको बारेमा सदनमा कुरा उठाएका छन्।
प्रतिनिधि सभाको बैठकमा बोल्दै ‘जानकी भारतीय छोरी हुन्’ भन्ने संवादबारे काठमाडौं महानगरपालिकाको मेयर बालेन शाहको अभिव्यक्तिपछि अन्यौलता छाएको बताए।
उनले भने, ‘जुन संवादले विवाद सिर्जना भयो त्यसमा भारतीय निर्माण पक्षले हिजो विवादित संवाद काटेर पठायो र अहिले पास पनि भयो प्रदर्शनको लागि नेपालमा तर काठमाडौंका मेयर बालेन शाहले भारतमा पनि उक्त संवाद नहटाएसम्म कुनै पनि हिन्दी फिल्म चलन नदिने भने पछि अन्योल छाएको छ।’
हलहरुले सरकारबाट स्पष्टीकरण नआएसम्म चलचित्र प्रदर्शन रोकेकोबारे ध्यानाकर्षण गराए।
उनले भने, ‘चलचित्र आदिपुरुषको कुरा मात्र होइन, यथार्थमा पनि कहिले बुद्ध उताको भनेको छ, कहिले सीता उताको भनेको छ । कहिले कालापानी, लिम्पियाधुरा हाम्रो हो भनेको छ, कहिले सांस्कृतिक नक्सा भनेर हाम्रो ठाउँ नै गायब गराइएको छ । हाम्रो इतिहासमाथि छिमेकबाट यस्तो भइरहदा हामीले भन्न सक्नु पर्छ कि यसले हाम्रो चित्त दुख्छ भनेर, हाम्रो स्वभिमान र सार्वभौम अस्तित्वलाई अतिक्रमण गरेको छ भनेर ।’
सरकारले सास दबाएर बसेपछि बालेनले बोलेर सहि गरेको भन्दै परराष्ट्रमन्त्री र सञ्चारमन्त्रीले गम्भिर रुपमा लिनुपर्ने बताए।