लागूऔषधसहित वीरेन्द्रनगरमा तीन जना पक्राउ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/06/353695304_793533105621772_4941411096768277876_n-e1686466664686.jpg)
सुर्खेत । लागूऔषधसहित वीरेन्द्रनगरमा तीन जना पक्राउ परेका छन् । आइतबार सुर्खेत प्रहरीले वीरेन्द्रनगर-६ मंगलगढी चोकमा रहेको एक होटलबाट तीन जनालाई पक्राउ गरेको हो ।
पक्राउ पर्नेमा सान्नीत्रिवेणी गाउँपालिका–३ कालिकोटका ३० वर्षीय अर्जुन देवकोटा, नेपालगञ्ज उपमहानगरपालिका–११ बाँकेका २४ वर्षीय खिरोज खान र बाँकेकी २३ वर्षीय शारदा सिंह रहेका छन् ।
प्रहरीले उनीहरूको साथबाट १९ ग्राम ८२० मिलिग्राम लागू औषध जस्तो देखिने धुलो पदार्थ फेला पारेको कर्णाली प्रदेश प्रहरी कार्यालय सुर्खेतले जानकारी दिएको छ ।
साथै, प्रहरीले नेपाली तीन हजार र भारतीय दुई हजार ६ सय रुपैयाँ, एक एक थान मोबाइल समेत बरामद गरेको छ । थप अनुसन्धानका लागि जिल्ला प्रहरी कार्यालय सुर्खेतमा राखिएको छ ।