सिर्जनालाई बहिनीको चिठी

प्रिय सृजना दिदी,

धन्यवाद दिदी तिम्लाई ! प्रेमको परिभाषा बुझाइदिएकोमा, माया के हो भनेर जताइदिएकोमा, ‘माया’ शब्दकै अपमान भैरहँदा तिमीले न्याय दिएकोमा । असह्य पीडा लुकाएर त्यो हरपल तड्पिएको मुहारमा आफ्नो प्रेमको लागि देखावटी हाँसो ल्याइदिएकोमा ।

दिदी, कसरी सक्यौ त्यो बोक्नै नसक्ने पीडा लुकाएर मुस्कुराउन ? म तिम्रो १५ सेकेण्डको भिडियो हेरेर भक्कानो छोडेर रोएँ । निदाउन सकिनँ । मन भारी भयो । किताब अगाडि राखेर पढ्न बस्दा तिमी मेरो मस्तिष्कमा घुमिरह्यौ । छटपटी बढ्दै गयो । मेरो यो हाल भैरहँदा, तिम्रो अवस्था कस्तो छ होला ? के गरिरहेकी हौली ? हामी अन्जान छौं दिदी ! तर, यो बेला तिमीलाई मज्जाले अँगाल्न मन छ । त्यो बिरानो शहरमा मन भुलाउन कति गाह्रो भैरहेको होला ? त्यो आँट, त्यो साहस कसरी ल्यायौ दिदी ? तिम्रा आँसुहरुले त सागर नै बन्ने थियो । दिदी कहाँ लुकायौ ती आँसुहरु ?

स्वार्थका लागि मानिसहरु ‘माया’को अपमान गरिरहेको देख्दा, शारीरिक निकटतालाई ‘माया’को नाम दिने जमात देख्दा अनि मायाको अगाडि जात र पैसा ठूलो देख्ने समाज देख्दा मैले प्रेम गर्ने आँट नै गरिनँ । मायाको नै हत्या गरिदिन मन लागेको थियो ।

आज मानिसहरु धेरै स्वार्थी भएका छन दिदी ! ‘माया’ धेरै सस्तो भएको छ । सामाजिक सञ्जालको Newsfeedभरि अनेकौं घटना देख्दा मलाई त प्रेमदेखि नै घृणा लागेको थियो । स्वार्थका लागि मानिसहरु ‘माया’को अपमान गरिरहेको देख्दा, शारीरिक निकटतालाई ‘माया’को नाम दिने जमात देख्दा अनि मायाको अगाडि जात र पैसा ठूलो देख्ने समाज देख्दा मैले प्रेम गर्ने आँट नै गरिनँ । मायाको नै हत्या गरिदिन मन लागेको थियो ।

तर, दिदी तिमी यसरी आयौ कि प्रेमको परिभाषा बनेर आयौ । बन्धनमा बाँधिँदै गर्दा खाएका कसमलाई जीवित पार्दै आयौ । एउटा असल प्रेमिका र श्रीमतीको उदाहरण बनेर आयौ । तिम्रो प्रेम अमूल्य छ दिदी ! तिमी महान छौ । तिम्रो त्यो निश्चल प्रेम देखेर भगवानले न्याय गर्नेछन् । दाइलाई छिट्टै सञ्चो हुनेछ । म दिनहुँ प्रार्थना गर्नेछु । म हतारिएको छु, दाइलाई सञ्चो भएको खबर सुन्न, तिम्रो मुहारमा खुलेको हाँसो देख्न । म आतुर छु, तिमी नाच्दा दाइले जानीनजानी कम्मर मर्काएको हेर्न । म कुरिरहेको छु तिम्रो प्रेमले जितेको हेर्न ।

तिम्रो प्रेमको अनुयायी
कृति भट्टराई

याे पनि पढ्नुस् : अमेरिकामा मृत्युसँग संघर्ष गर्दै विवेक, पत्नी सिर्जनाको हौसला