प्रधानमन्त्रीविरुद्ध राजाबादी र टुक्रे माओवादीहरुको प्रदर्शन, विमानस्थल बाहिर धरपकड (भिडिओ)

काठमाडौं । प्रधानमन्त्री पुष्पकमल दाहाल प्रचण्डविरुद्ध नाराबाजी गर्ने दर्जन बढीलाई प्रहरीले पक्राउ गरेकाे छ ।

पक्राउ पर्नेमा राजावादीहरु रहेकाे बताइएकाे छ । अन्य नेकपा बहुमत, बिप्लव समूह लगायत छन् । उनीहरुलाई विमनस्थलभित्र र बाहिरबाट पक्राउ गरिएकाे हाे । केही स्वतन्त्र युवाहरूले आफूहरू कुनै दलसँग आबद्ध नभएको भन्दै स्वतस्फुर्तरूपमा विरोध जनाएको बताएका छन् ।

उनीहरुले नागरिकता विधेयक खारेज गर्न माग गर्दै प्रचण्डविरुद्ध नाराबाजी गरिरहेका थिए ।

प्रधानमन्त्री पुष्पकमल दाहाल प्रचण्ड भारत भ्रमणबाट फर्किँदै छन् ।

भारत भ्रमणका क्रममा प्रधानमन्त्री दाहालले भारतीय समकक्षी नरेन्द्र मोदीसँग ‘वान टु वान’ भेटवार्ता र प्रतिनिधिमण्डलस्तरीय छलफल गरेका थिए ।

भ्रमणकै क्रममा प्रधानमन्त्री दाहालले भारतका राष्ट्रपति दौपदी मुर्मू एवं उपराष्ट्रपति जगदीप धनखडसँग शिष्टाचार भेटवार्ता गरेका थिए ।

प्रधानमन्त्री दाहाल भारतको मध्यप्रदेशस्थित इन्दौर सहरमा पुगी त्यहाँको फोहर व्यवस्थापनको बारेमा जानकारी लिनुका साथै विज्ञानप्रविधिसम्बन्धी क्षेत्रको अवलोकन गरेका थिए ।

प्रधानमन्त्री दाहाल आजै इन्दौरबाट नयाँदिल्ली फर्किएका हुन् ।

भ्रमणका क्रममा नेपाल–भारतबीच ऊर्जा व्यापार सम्झौता, पारवहन सन्धि नवीकरण, अन्तरदेशीय प्रसारण लाइन निर्माणलगायतका विभिन्न सम्झौता एवं समझदारी भएका छन् ।

प्रधानमन्त्री दाहाल यही जेठ १७ गते औपचारिक भ्रमणका लागि भारत प्रस्थान गरेका थिए ।