मुख्यमन्त्री पाण्डेले मागे विश्वासको मत, खोजे एमाले र राप्रपाको पनि साथ
नेपाल प्रेस
२०८० वैशाख २१ गते १४:५४
पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशसभामा विश्वासको मत मागेका छन् ।
प्रदेशसभाको बिहीबारको बैठकमा मुख्यमन्त्री पाण्डेले संविधानको धारा १६८ (४) अनुसार विश्वासको मत मागेका हुन् ।
उनले आफू पदमा रहँदा दलीय स्वार्थभन्दा माथि रहेर काम गर्ने प्रतिबद्धतासमेत जनाएका छन् ।
एमाले र राप्रपालाई समर्थन जनाउन आग्रह गर्दै उनले भने, ‘हाम्रो साझा प्रयासबाट नै प्रदेशले अगाडि सारेका आयोजना तथा कार्यक्रमहरू समयमै सम्पन्न हुनेछन् । हामीले सञ्चालन र सम्पन्न गर्ने कामहरु नै प्रदेशको औचित्यमाथि उठेका प्रश्नहरुको जवाफ हुनेछन् ।’
अब संसदमा रहेका दलले उक्त प्रस्तावमाथि आ-आफ्नो धारणा राख्ने छन् । त्यसपछि मत विभाजन हुनेछ । पाण्डेले विश्वासको मत पाउने पक्का छ । ६० सदस्यीय प्रदेश सभामा कांग्रेसका २७, माओवादीका ७ र एकीकृत समाजवादीका एक गरेर ३५ जना पाण्डेको पक्षमा छन् ।
यस्ताे छ मुख्यमन्त्री पाण्डेकाे सम्बाेधन:
नेपाल प्रेस
प्रकाशित: २०८० वैशाख २१ गते १४:५४
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
