स्वकीय सचिवालय भन्छ- भारतमा भएको उपचार खर्च आफैं व्यहोर्ने राष्ट्रपतिको चाहना छ

काठमाडौं । राष्ट्रपति रामचन्द्र पौडेलले भारतमा उपचार गर्दा लागेको खर्च आफैँ व्यहोर्ने चाहना गरेको सचिवालयले जनाएको छ ।

राष्ट्रपतिका प्रेस संयोजक खिला कार्कीद्वारा जारी विज्ञप्तिमा उपचारका क्रममा लागेको खर्च राष्ट्रपति स्वंमले बेहोर्न चाहेको जानकारी गराइएको छ ।

वैशाख ६ गते एयर एम्बुलेन्सबाट भारत गएका पौडेल नयाँदिल्लीस्थित एम्स अस्पतालमा उपचार गरेर आइतबार राति स्वदेश फर्किसकेका छन् ।

उनको पेट र छातीमा समस्या देखिएको थियो ।

राष्ट्रपतिको उपचारमा राज्यकोषबाट खर्च नगर्न भन्दै चौतर्फी आलोचना भएको थियो ।