सडक विस्तारका लागि सिरहा बजारका घरमा नगरपालिकाको डोजर (तस्बिरहरू)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/04/siraha-3.jpg)
जनकपुरधाम । सिरहा नगरपालिकाले सडक विस्तारका लागि बजार क्षेत्रमा मुख्य सडकका दुवैतिरका भवनहरू भत्काउन थालेको छ ।
डोजर चलेपछि बजारका अधिकांश पसल यतिबेला बन्द छन् । स्थानीयहरू आक्रोशित छन् । केहीले त अवरोधको प्रयास पनि गरे । तर, प्रहरी प्रशासनको अगाडि स्थानीयको केही चलेन । विकासका लागि आफ्नो मात्र होइन्, सबैको त क्षति भयो नी सोचेर धेरै परिवार मौन छन् ।
सिरहा सदरमुकाम १४ औं शताब्दीका राजा सलहेशको भूमि हो । सिरहा जिल्लाकै सबभन्दा पुरानो यो बजार राज्यको उदासिनताले विस्तार हुन सकेको थिएन । तर, अब सिरहा बजारको मुहार पनि फेरिने भएको छ ।
सडक क्षेत्र खाली गर्न पहिले सूचना जारी गरेको र अटेरी गरेपछि बाध्य भएर घरहरूमा डोजर लगाउनुपरेको त्यहाँका मेयर डा. नवीन यादवले बताए ।
उनले भने, ‘सडकको मध्यभागबाट दुवैतिर १५/१५ मिटर खाली गराउने निर्णय छ । सोहीअनुसार सडक क्षेत्र खाली गराएका छौं ।’
मेयर यादवले ठूलो रिक्स बोकेर डोजर चलाएको र अब उहाँ हिरो बन्ने कि जिरो अगामी कामले देखाउने स्थानीय शंकर साहले बताए ।
उनले भने, ‘यतिधेरै क्षति हुँदा पनि हामी केही भनेनौं । तर, सडक विस्तार भएन भने उहाँको राजनीति नै सकिन्छ । आगामी चुनावमा भोट माग्न आउँदा महिलाहरू झाडुले लखेट्छन् ।’
यो धेरै नै राम्रो काम भएको छ।
यो पल्ट पकै सिरहा नगरपालिकाको मुहार फेरीन्छ । मेयर डा. नबिन कुमार यादवले गरेको यो काम सहरानिय योग्य छ ।