कांग्रेस कार्यसम्पादन बैठकअघि सानेपामा नेविसंघको धर्ना र नाराबाजी, सुरक्षामा कडाइ
![](https://www.nepalpress.com/wp-content/uploads/2020/11/nepalpress-logo-n.png)
२०७९ चैत १९ गते ९:५७
![](https://www.nepalpress.com/wp-content/uploads/2023/04/nebisang-pradarshan.jpg)
काठमाडौं । नेपाली कांग्रेसको पार्टी कार्यालय सानेपामा नेपाल विद्यार्थी संघका कार्यकर्ताहरूले नाराबाजी गरेका छन् ।
पार्टीको कार्यसम्पादन समिति बैठकअघि नाराबाजीले त्यहाँको अवस्था तनावग्रस्त बनेको छ ।
नेविसंघ का सभापति दुजाङ शेर्पालाई बर्खास्त गर्न माग गर्दै सानेपामा जारी अनसनको समर्थनमा नाराबाजी भएको हो ।
पार्टी कार्यालय परिसरमा नाराबाजी भएपछि सुरक्षा व्यवस्था कडा पारिएको छ ।
पार्टी कार्यालय छिर्ने गेटबाट छिर्ने सबैलाई चेकजाँच गर्न थालिएको छ ।
समिति सदस्य बाहेक अन्यलाई प्रवेश गर्न दिइएको छैन ।
तस्बिरहरू : उमेश कार्की
प्रतिक्रिया