नेपाल एयरलाइन्सको जहाज नउड्दा दिल्ली विमानस्थलमा सयौं यात्रु अलपत्र
नेपाल प्रेस
२०७९ चैत १६ गते २२:२६
काठमाडौं । नेपाल एयरलाइन्सको विमानमा समस्या आएपछि दिल्लीस्थित इन्दिरा गान्धी अन्तर्राष्ट्रिय विमानस्थलमा सयौं यात्रु अलपत्र परेका छन् । दिउँसो ४ बजे उड्नुपर्ने विमान राति १० बजेसम्म उड्न सकैको छैन ।
आरए २१८ कलसाइनको जहाज पाङ्ग्रामा समस्या आएका कारण उडान हुन नसकेको हो । स्टेशन म्यानेजरले पाङ्ग्राको एउटा सामान फेर्नुपर्ने भएकाले मलेसियन एयरलाइन्ससँग सहयोग मागिएको बताए । एक यात्रुका अनुसार सो सामान नपाइएको खण्डमा उडान हुन नसक्ने बताइएको छ ।
न्यारोबडी जहाजमा करिब डेढसय यात्रु छन् । उनीहरूमध्ये अधिकांश तिर्थयात्रु हुन् । जहाज नउड्दा यात्रुको विचल्ली भएको छ ।
नेपाल प्रेस
प्रकाशित: २०७९ चैत १६ गते २२:२६
प्रतिक्रिया
सम्बन्धित खवर
