राहुल गान्धीलाई अभिनेता प्रकाश राजको ढाडस- क्रूर शासकबाट देश जोगाउन चाहने सबै घर तिम्रा हुन्

काठमाडौं । बलिउडका चर्चित अभिनेता प्रकाश राजले भारतीय कांग्रेस पार्टीका नेता राहुल गान्धीप्रति सहानुभूति जनाउँदै दिएको अभिव्यक्तिले पुनः चर्चामा आएका छन् ।

दक्षिण भारतीय फिल्महरूबाट स्थापित भएका अभिनेता प्रकाश राजले प्रधानमन्त्री नरेन्द्र मोदी सरकारप्रति लक्षित गर्दै हरेक घर जसले निरङ्कुश र क्रूर शासकबाट भारतलाई बचाउन चाहन्छन् ती सबै घर ‘तिम्रा हुन्’ भन्दै ट्विट गरेका छन् ।

गान्धीले भारतीय लोकसभाका उप सेक्रेटरीलाई आफूले सांसद भएबापत पाएको सरकारी आवास छाड्ने जानकारी गराएको पत्रसहित प्रकाश राजले उनलाई हरेक भारतीय घरमा स्वागत रहेको बताएका छन् ।

सांसद पद गुमेसँगै उनलाई सरकारले सरकारी आवास छाड्न ताकेता गरेको थियो । गान्धीलाई ४ वर्ष पहिलेको एउटा अभिव्यक्तिलाई लिएर भारतीय अदालतले २ वर्ष जेल सजाय तोकेको थियो भने उनलाई ६ वर्षसम्म चुनाव लड्न अयोग्य घोषित गरेको थियो ।

Dear @RahulGandhi .. every HOME who want to save our COUNTRY from these tyrants is your HOME .. .. INDIA is your HOME .. you are most WELCOME.. more power to you .. #justasking pic.twitter.com/OCOxnHW93w

— Prakash Raj (@prakashraaj) March 28, 2023