मिसन ग्रासरुट डायरी- एमालेमाथि सत्ताको दमनविरुद्ध जनप्रतिरोधको तयारी
एमालेलाई सबै मिलेर पनि चुनावमा कमजोर बनाउन नसकेपछि सत्ताको दुरुपयोग गरेर दमनचक्र चलाउने षड्यन्त्र हुँदैछ
![](https://www.nepalpress.com/wp-content/uploads/2023/03/nimphunjo-sherpa-banner.jpg)
‘मिसन ग्रासरुट’ अभियान चलिरहेका बेला अहिले नेकपा एमालेका अध्यक्ष केपी शर्मा ओलीदेखि टोलसम्मका कार्यकर्ताहरु फिल्डमा खटिरहनुभएको छ । पार्टीको यो अभियानले जनता र कार्यकर्ता अनि नेता-कार्यकर्ता र जनताबीचको सम्बन्धलाई एकपटक फेरि सुदृढ गर्नेछ ।
म आफैं आफ्नो कार्य क्षेत्रभित्रका विभिन्न भेला, बैठक, प्रशिक्षण र जनतामा आधारित कार्यक्रमहरुमा खटिइरहँदा देखेको र भोगेको कुरा के हो भने हामी जनताबाट अलग भएका छैनौं । मात्र जनताका गुनासा सुन्ने र जनताको दैनिक जीवनसँग गाँसिएका समस्या समाधान गर्ने सन्दर्भमा केही ग्याप भएको हुनसक्छ ।
यो एक वर्षको बीचमा नेपालमा विशेषगरी चार तहका निर्वाचन भए । स्थानीय तहको निर्वाचन, प्रदेश र प्रतिनिधिसभाको निर्वाचन अनि स्वतन्त्र विद्यार्थी युनियनको निर्वाचनमा देखिएको साझा परिदृश्य भनेको नेकपा एमालेविरुद्ध देशमा भएका साना-ठूला सबै पार्टी एक ठाउँमा उभिए । एमाले लगभग एक्लै लड्यो ।
सबैखाले घेराबन्दी र गठबन्धनहरुबीच एमालेले स्थानीय तहमा प्रमुख पदमा दोस्रो भए पनि समग्र मतमा पहिलो बन्यो । गठबन्धनहरुका बीचमा एमालेले पाएको सीट र मतले एक्लाएक्लै लड्दा अरुभन्दा धेरै माथि र बहुमत प्राप्त गर्ने रहेछ । त्यस्तै प्रतिनिधिसभा र प्रदेशसभा निर्वाचनमा पनि एमाले एक्लै लड्यो ।
एकातर्फ सत्ताको चरम दुरुपयोग र धाँधली, अर्कोतर्फ सत्ता गठबन्धन र नयाँ भनिएका स्वतन्त्र पार्टी जस्ताहरुको घेराबन्दीमा थियो एमाले । त्यसका बाबजुद प्रत्यक्षतर्फ केही सीट पछि परेपनि समानुपातिकमा एमाले सबैभन्दा बढी मतका साथ पहिलो पार्टी बन्यो । टर्च बालेर एमालेलाई खोज्नुपर्छ भन्नेहरु नै टर्च बाल्नुपर्ने ठाउँमा पुगे ।
माओवादी र माधव नेपाल नेतृत्वको नेकपा एकीकृत समाजवादीको सफलता भनेको कांग्रेसलाई एमालेभन्दा केही सीट बढी जिताउनेबाहेक अरु खासै कुनै उपलब्धि देखिएन । एमालेसँग मिल्दा ५३ सीट जितेको माओवादी कांग्रेससँग मिल्दा ३२ सीटमा खुम्चियो । एमालेबाट बाहिरिँदा २४ सीट बोकेर गएका माधव नेपाल १० सीटमा सीमित भएर थ्रेसहोल्ड कटाउन सकेनन् ।
माओवादी र माधव नेपाल नेतृत्वको नेकपा एकीकृत समाजवादीको सफलता भनेको कांग्रेसलाई एमालेभन्दा केही सीट बढी जिताउनेबाहेक अरु खासै कुनै उपलब्धि देखिएन । एमालेसँग मिल्दा ५३ सीट जितेको माओवादी कांग्रेससँग मिल्दा ३२ सीटमा खुम्चियो । एमालेबाट बाहिरिँदा २४ सीट बोकेर गएका माधव नेपाल १० सीटमा सीमित भएर थ्रेसहोल्ड कटाउन सकेनन् ।
हालै सम्पन्न स्वतन्त्र विद्यार्थी युनियनको निर्वाचनमा पनि एमाले सम्बद्ध अनेरास्ववियु एक्लै चुनावी मैदानमा थियो भने सत्ता गठबन्धनमा आबद्ध सबै संगठन एक ठाउँमा थिए । चुनाव भएका त्रिविका ४५ आंगिक क्याम्पसमध्ये २० सहित १३० भन्दा बढी कलेजमा चुनाव जितेर अनेरास्ववियु पहिलो बनेको छ र यसले एमाले सबै तप्काका जनताबीच पहिलो शक्ति हो भन्ने पुष्टि गरेको छ ।
एमाले जनमतको हिसाबले पहिलो शक्ति हो भन्नेमा कुनै विवाद छैन । एमालेसँग कांग्रेसले एक्लै चुनावी प्रतिस्पर्धा गर्न सक्दैन, यो पनि प्रस्ट भइसकेको छ । कांग्रेस आज यस्तो अवस्थामा पुगेको छ कि संसद र स्थानीय चुनावमात्र होइन विद्यालय व्यवस्थापन, खानेपानी र सामुदायिक वनको चुनावसमेत गठबन्धन नगरी लड्ने आँटै गर्दैन ।
जहाँ गठबन्धन भएन वा गठबन्धन गर्दा पनि नजित्ने अवस्था भयो ती ठूला क्याम्पसमा अहिले पनि कांग्रेसले चुनाव हुन दिएन । यसबाट पनि के प्रस्ट हुन्छ भने एमाले अब एउटा राजनीतिक पार्टीमात्र रहेन । एमाले विस्तारै राजनीतिक शक्ति बनेको छ र एमालेबाहेकका अरु सबै दल र घटकहरु अर्को राजनीतिक शक्ति हुन् । एमालेसँग एक्लाएक्लै चुनाव लड्ने र जित्ने सामर्थ्य अब कसैसँग रहेन ।
यो अवस्थामा एमालेजन अझ धेरै सचेत र गम्भीर हुनुपर्नेछ । एमाले बलियो राष्ट्रिय शक्ति निर्माणको दिशामा अघि बढिरहेका बेला योविरुद्ध ठूल्ठूला षड्यन्त्र र दमनको खतरा उत्तिकै छ । एमालेलाई कमजोर नपारेसम्म नेपालमा राष्ट्रवादी र वामपन्थी शक्ति कमजोर नहुने भएकाले साम्राज्यवादी, विस्तारवादी र दलाल पुँजीवादी शक्तिले नयाँ ढंगबाट दमनका श्रृंखलाहरु चलाउन सक्छन् ।
एमाले जनमतको हिसाबले पहिलो शक्ति हो भन्नेमा कुनै विवाद छैन । एमालेसँग कांग्रेसले एक्लै चुनावी प्रतिस्पर्धा गर्न सक्दैन । यो पनि प्रस्ट भइसकेको छ । कांग्रेस आज यस्तो अवस्थामा पुगेको छ कि संसद र स्थानीय चुनावमात्र होइन विद्यालय व्यवस्थापन, खानेपानी र सामुदायिक वनको चुनावसमेत गठबन्धन नगरी लड्ने आँटै गर्दैन ।
तीनै तहका निर्वाचन हुँदै स्ववियु निर्वाचनसम्म आइपुग्दा नेकपा एमाले सबै तहका जनताबीच सर्वाधिक लोकप्रिय र राष्ट्रवादी पार्टी हो भन्ने स्थापित भइसकेको छ । नेपालमा सधैं नियन्त्रित अस्थिरता चाहने शक्तिहरु यहाँ बलियो राष्ट्रिय शक्ति स्थापित भएको देख्न चाहदैनन् ।
हिजो नेकपाभित्र विवाद सिर्जना गरेर विभाजनको तहमा पुर्याउन र केपी ओलीलाई हटाउन बाह्य शक्तिले प्रचण्ड-माधव नेपालहरुलाई के कस्ता आश्वासन दिएका थिए ? क्रमशः प्रकट भइरहेका छन् । प्रचण्ड-माधवले प्रधानमन्त्री र राष्ट्रपति भएरै वाम एकता गर्ने मौका किन छाडे ? अब भ्रम बाँकी रहेन ।
वामपन्थी एकताको लागि एमाले अध्यक्ष केपी शर्मा ओलीले हिजोका तीतामीठा बिर्सेर कमरेड प्रचण्डलाई प्रधानमन्त्री बनाएकै हो । कमरेड माधव नेपाललाई राष्ट्रपति बनाएर भने पनि वाम गठबन्धन कायमै राखौं र पार्टी एकता गरौं भन्दा नमानेर कांग्रेसलाई राष्ट्रपति बनाउनुपर्ने बाध्यता प्रचण्ड-माधवलाई किन आइलाग्यो ? उहाँहरु साम्राज्यवाद र विस्तारवादको कम्फरटेबल गठबन्धनमा फर्किने अवस्था किन बन्यो ? आज देशभरका सबै एमालेजनले सोचौं ।
त्यसैले आजको दिनमा एमालेलाई घेराबन्दी गर्ने देशी-विदेशी षड्यन्त्रप्रति सचेत हुँदै हिजोका सबैखाले तीतामीठा बिर्सेर एमालेका सबै तहका नेता-कार्यकर्ताहरु अझ बढी एकताबद्ध बन्नुपर्ने अवस्था छ । एमालेका नेता-कार्यकर्ता, विद्यार्थी, युवा, किसान र सबै पेशा व्यवसायमा आवद्ध समर्थक कार्यकर्तामाथि राज्यसत्ताको दमनचक्र चल्ने खतरा छ ।
कांग्रेसले विगतमा पनि राज्यसत्ताको चरम दुरुपयोग गरेर कम्युनिष्टहरुमाथि दमन र झूटा मुद्दा लगाएको हो । माओवादी विद्रोहको आधार कांग्रेसको त्यही दमनले तयार पारेको थियो । अहिले पनि एमाले बलियो शक्तिका रुपमा अझ सशक्त बन्दै गएकाले विगतमा जस्तै दुःख दिने, झूटा मुद्दाहरु लगाउने र कार्यकर्ता तथा जनतालाई आतंकित बनाउने खतरा बढेको छ ।
हिजो नेकपाभित्र विवाद सिर्जना गरेर विभाजनको तहमा पुर्याउन र केपी ओलीलाई हटाउन बाह्य शक्तिले प्रचण्ड माधव नेपालहरुलाई के कस्ता आश्वासन दिएका थिए ? क्रमशः प्रकट भइरहेका छन् । प्रचण्ड-माधवले प्रधानमन्त्री र राष्ट्रपति भएरै वाम एकता गर्ने मौका किन छाडे ? अब भ्रम बाँकी रहेन ।
यस्ताखाले षड्यन्त्रप्रति सचेत बन्दै र जनतालाई पनि सचेत बनाउँदै सबै तहका जनताको व्यापक समर्थन लिएर दैनिक जनजीविका तथा सत्ताको दुरुपयोग, भ्रष्टाचार, अन्याय, अत्याचारविरुद्ध मिसन ग्रासरुटकै क्रममा आन्दोलनको तयारी गर्नुपर्छ ।
भ्रष्टाचारी र घुसखोरी अन्याय र अत्याचारविरुद्ध ग्रासरुट तहकै जनतालाई सचेत गराउँदै अब बलियो पार्टी र जनआधारित संगठनको बलमा अबका सबै चुनावमा पहिलोमात्र होइन बहुमत प्राप्त बलियो राष्ट्रिय शक्ति बनाउने महाअभियानमा टोलदेखि केन्द्रसम्मका नेता-कार्यकर्ता एक स्वर, एकै लयमा अघि बढ्नुको विकल्प छैन ।
बलियो राष्ट्रिय शक्ति बन्ने भनेको साम्राज्यवादी, विस्तारवादी र घरेलु प्रतिक्रियावादीहरुको घेराबन्दीकै बीचबाट हो । एमाले पंक्ति एकजुट भएर अघि बढ्ने हो भने कसैलै परास्त गर्न सक्दैन र त्यसपछि सानातिना वाम घटकहरु आफैं विघटन भएर एमालेमा समाहित हुनेछन् । ‘समृद्ध नेपाल, सुखी नेपाली’ एमालेको लक्ष्य पूरा हुनेछ । सबैखाले षड्यन्त्रविरुद्ध सचेत हुँदै सम्भावित दमनको प्रतिरोध गर्न मिसन ग्रासरुटले प्रशिक्षित गर्नेछ र भ्रष्टाचार, अन्याय, अत्याचार र सत्ताको दुरुपयोगविरुद्ध प्रतिरोध गर्ने शक्ति आर्जन हुनेछ ।
यो सत्ता गठबन्धनले मुलुकलाई भूराजनीतिक भूमरीमा पार्दैछ । इण्डो प्यासिफिक रणनीतिको एउटा अंग एमसीसी पारित गरेर सैन्य रणनीति एसपीपी समेत पारित गर्ने कागजमा सही गरेपछिमात्र एमालेविरुद्धको गठबन्धन बनेको चर्चाबीच अहिले हाम्रो उत्तरी सीमानाकाहरु अघोषित बन्द छन् । चीनलाई चिढ्याउनेगरी सरकारकै तर्फबाट निरन्तर हाम्रो परराष्ट्र नीतिविपरितका कामहरु भइरहेका थिए ।
इण्डो-अमेरिकन ढोक्सामा यो गठबन्धन छ । यसले गर्दा उत्तरका सीमानाकाबाट हुने हाम्रो व्यापारलाई नराम्रो असरमात्र पारेको छैन,व्यापारीहरू विस्थापित हुँदैछन् भने हरेक उपभोग्य वस्तुको मूल्य पनि बढेको छ । यस अर्थमा यो सरकार र सत्ता गठबन्धन राष्ट्रघाती साबित हुँदैछ । साम्राज्यवादी र विस्तारवादी शक्तिहरुलाई रिझाउन उसले चीनलाई चिढ्याउने र असंलग्न परराष्ट्र नीतिको धज्जी उडाउने काम गरिरहेको छ र यसको एमालेले डेटर विरोध गर्छ ।
(सिन्धुपाल्चोकको बाह्रबीसे नगरपालिकाका पूर्वमेयर शेर्पा नेकपा एमाले बागमती प्रदेश कमिटी सदस्य हुन् ।)