बागी उठेर जितेका लुम्बिनीका सांसद सुरुल माओवादीमा फर्किए

रूपन्देही । लुम्बिनी प्रदेशसभा निर्वाचनमा बागी उठेर जितेका रूकुमपूर्वका सुरूल पुन पुनः माओवादीमा फर्किएका छन् ।

माओवादी केन्द्र लुम्बिनी प्रदेश संसदीय दलको कार्यालयलाई पत्र पठाउँदै आफूले माओवादी केन्द्र रोजेको जनाएका छन् । यसअघि पनि रूकुमबाट स्वतन्त्र जितेका दीपेन्द्र पुनले माओवादी रोजेका थिए । अब प्रदेशसभामा माओवादी सांसदको संख्या ११ जना पुगेको छ ।

पुन रुकुमपूर्वको क्षेत्र नं १ बाट स्वतन्त्र उम्मेदवारी दिएर विजयी भए । तत्कालीन गठबन्धनका साझा उम्मेदवार तेजबहादुर वलीलाई हराउँदै उनी विजयी भएका हुन् ।