वर्ल्डलिंकले ल्यायो १ अर्ब ९८ करोड विदेशी लगानी
नेपाल प्रेस
२०७९ चैत ७ गते १३:१५
काठमाडौं । इन्टरनेट सेवा प्रदायक कम्पनी वर्ल्डलिंक कम्युनिकेसनले १ अर्ब ९८ करोड विदेशी लगानी ल्याएको छ ।
दोस्रो चरणमा सो लगानी ल्याएको कम्पनीले बताएको छ । पहिलो चरणमा २ अर्ब विदेशी लगानी ल्याएको थियो । भने, हालसम्म वर्ल्डलिंकले ३ अर्ब ३३ करोड विदेशी लगानी ल्याएको हो ।
कम्पनीले ब्रिटिश इन्टरनेसनल इन्भेष्टमेन्टबाट १ अर्ब ८ करोड र डोल्मा ईम्प्याक्ट फण्ड २ बाट ९० करोड गरी कुल १ अर्ब ९८ करोड विदेशी लगानी भित्र्याएको हो ।
सन् २०१९ को अक्टोबरमा कम्पनीले ब्रिटिश इन्टरनेसनल इन्भेष्टमेन्टबाट १ अर्ब ३५ करोड विदेशी लगानी ल्याएको थियो । यस सँगै कम्पनीले ल्याएको विदेशी लगानीको आकार ३ अर्ब ३३ करोड पुगेको छ ।
नयाँ विदेशी लगानीबाट इन्टरनेटको सेवा विस्तार र नयाँ १ हजार रोजगारी थपिने कम्पनीले बताएको छ ।
नेपाल प्रेस
प्रकाशित: २०७९ चैत ७ गते १३:१५
प्रतिक्रिया
सम्बन्धित खवर
