अमेरिकाबाट पार्सलमा नेपाल भित्रियो ७ केजी गाँजा, ३ जना पक्राउ
नेपाल प्रेस
२०७९ फागुन २४ गते १४:४५
काठमाडौं। अमेरिकाबाट आएको २ वटा पार्सलमा करिब ७ केजी गाँजा भेटिएको छ।
प्रहरीको लागु औषध नियन्त्रण ब्युरोले ६ केजी ९ सय ग्राम गाँजासहित ३ जनालाई पक्राउ गरेको छ।
फागुन २१ गते अमेरिकाको लस एन्जलसबाट पठाइएको चकलेट एन्ड चाइल्ड गेम आइटम उल्लेख भएको पार्सलमा ४ केजी ५ सय ग्राम गाँजा भेटिएको छ।
चकलेटको बट्टाभित्र उक्त गाँजा राखिएको भेटिएको थियो। प्रहरीले उक्त पार्सल लिएर भारत लैजान लागेको अवस्थामा भारतको गुजरातका ३० वर्षीय निमेश अशोभाई दयानी र सर्लाहीका २८ वर्षीय फैज आलमलाई पक्राउ गरेको छ।
दयानी बसेको ठमेलस्थित कोठाबाट एक लाख ४० हजार रुपैयाँ बरामद भएको छ।
यस्तै सोही दिन नेपाल भित्रिएको अर्को एक पार्सलमा पनि २ केजी ४ सय ग्राम गाँजा भेटिएको छ।
होम डेकोर वाटर फाउन्टेन एन्ड चाइल्ड गेम आइटम लेखिएको उक्त पार्सल बुझ्न लागेका गोरखाका रूपक अर्याल पक्राउ परेका छन्।
नेपाल प्रेस
प्रकाशित: २०७९ फागुन २४ गते १४:४५
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
