स्ववियू निर्वाचनमा अनेरास्ववियु जिताउन बैतडी र दार्चुलाका विद्यार्थीलाई ऐन महरको अपील
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/03/Ein-Mahar.jpg)
कैलाली । नेकपा एमालेका केन्द्रीय सदस्य तथा युवा नेता ऐन महरले स्ववियु निर्वाचनका अनेरास्ववियु जिताउन अपील गरेका छन् ।
बैतडी र दार्चुलाका क्याम्पसमा पुगेर उनले आगामी निर्वाचनमा अनेरास्ववियुको पक्षमा मतदान गर्न अपील गरेका हुन् । दार्चुलाको गोकुलेश्वर बहुमुखी क्याम्पस र बैतडीको सेटिगाउ बहुमुखी क्याम्पसमा पुगेर महरले अनेरास्ववियु बारे विद्यार्थीहरूलाई प्रशिक्षण दिएका थिए ।
एमाले निकट विद्यार्थी सङ्गठन अखिल नेपाल राष्ट्रिय स्वतन्त्र विद्यार्थी युनियन अनेरास्ववियुका पूर्व केन्द्रीय अध्यक्षसमेत रहेका महर एमालेले सुरु गरेको मिसन ग्रास रुटका लागि दार्चुला खटिएका छन् । अहिले महर लिपुलेक, लिम्पियाधुरा र कालापानीमा खटिएका छन् । मिसन ग्रास रुटसँगै उनले स्ववियु निर्वाचनका अनेरास्ववियु जिताउन पनि अपिल गरेका हुन् ।