क्वात्राले सुझाएर गए राष्ट्रपतिका सम्भावित पात्र, महन्थलाई उम्मेदवार बनाउने तयारीमा लोसपा
काठमाडौं । भारतीय विदेश सचिव विनयमोहन क्वात्रा हालै नेपालको दुईदिने तुफानी भ्रमण गरेर फर्किए । प्रशासनिक व्यक्ति भए पनि उनको भ्रमण राजनीतिक उद्देश्य प्रेरित थियो । उनी खासगरी वर्तमान सत्तारुढ गठबन्धनको भविष्य र आउँदो फागुन २५ मा हुने राष्ट्रपति निर्वाचनप्रति चासो लिएर नेपाल आएको स्रोतहरुको भनाइ छ ।
सचिवस्तरीय बैठकको बहानामा आएका थिए क्वात्रा । तर, उनले भेटवार्ता चाहिँ राष्ट्रप्रमुखकै स्तरको गरे । राष्ट्रपति विद्यादेवी भण्डारी, प्रधानमन्त्री पुष्पकमल दाहाल प्रचण्डदेखि गठबन्धन संयन्त्रका संयोजक केपी शर्मा ओली र विपक्षी दलका नेता शेरबहादुर देउवा सबैले एउटा सचिवस्तरको कर्मचारीलाई अस्वाभाविक खातिरदारी गरेका थिए ।
क्वात्रा आउनुअघि उनले प्रधानमन्त्री पुष्पकमल दाहाल प्रचण्डलाई भारत भ्रमणको निम्तो दिने प्रचार गरिएको थियो । तर, प्रचण्डलाई निराश बनाउँदै उनी औपचारिक निमन्त्रणा नदिइकनै फर्किए । बरु राष्ट्रपति निर्वाचनका सम्बन्धमा ‘घनीभूत’ छलफल गरेको स्रोत बताउँछ । दिउँसो क्वात्रासँग औपचारिक भेट गरेका प्रधानमन्त्री प्रचण्डले राति फेरि बालुवाटारमै गोप्य भेटवार्ता गरेका थिए । उक्त भेटवार्ता दुई घन्टासम्म चलेको बालुवाटार स्रोतको दावी छ, जसको विवरण गोप्य राखियो ।
यसअघि आकस्मिक तवरबाट एमाले र माओवादीको गठबन्धन बन्दा भारत जिल्ल परेको थियो । केही घन्टामै ठूलो राजनीतिक ट्विस्ट आउँदा भारतीय कूटनीतिज्ञहरुले चलखेल गर्ने मौकै पाएनन् । आफ्नो जानकारीविना भएको राजनीतिक विकासलाई ‘करेक्सन गर्न’ भारतले यतिवेला निकै कसरत गरिरहेको छ । क्वात्राको भ्रमण त्यसैका लागि थियो ।
क्वात्राले भारतीय संस्थापनको सन्देश प्रचण्ड र देउवालाई सुनाएका छन् । उनले राष्ट्रपतिमा भारतले पनि सहजै स्वीकार्न सक्ने व्यक्तित्व हुनुपर्ने भन्दै सम्भावित दुई नाम प्रस्ताव गरेका छन् । स्रोतका अनुसार उनले पहिलो प्राथमिकतामा राखेर सिफारिस गरेका नाम हुन् लोकतान्त्रिक समाजवादी पार्टीका अध्यक्ष महन्थ ठाकुर र कांग्रेस नेता कृष्ण सिटौला । सरकार प्रमुख र राष्ट्रप्रमुख दुवै कम्युनिष्ट हुँदा नेपाल चीनतर्फ ढल्किनसक्ने भारतीय चिन्ता पनि उनले सुनाएका छन् ।
क्वात्राले प्रस्ताव गरेका लोसपा अध्यक्ष ठाकुर परम्परागत रुपमै भारतका विश्वासपात्र हुन् । नेपालस्थित भारतीय दूतावासको निर्देशनमा चल्ने गरेको आरोप उनीमाथि लाग्दै आएको छ ।
सिटौला पनि भारतीय संस्थापनसँग नजिक मानिन्छन् । तर, महन्थ जस्तो ‘भारतपरस्त’ चाहिं होइनन् । हालै भएको संसदीय चुनावमा पराजित उनले अब राष्ट्रपति बनेर आप्mनो राजनीतिक जीवनलाई सेटल गर्न चाहेका छन् । राष्ट्रपति बन्ने आकांक्षाका विषयमा जिज्ञासा राख्न हामीले सम्पर्क प्रयास गर्दा सिटौलाको फोन उठेन ।
कांग्रेसमा राष्ट्रपतिका प्रवल दावेदार रामचन्द्र पौडेल पनि हुन् । उनी पनि भारतलाई रिझाउन प्रयत्नशील छन् । यसैगरी गोपालमान श्रेष्ठ पनि आफ्नो दावेदारी पेश गरिरहेका छन् ।
ठाकुरलाई उम्मेदवार बनाउने लोसपाको तयारी
क्वात्रा भ्रमणपछि लोकतान्त्रिक समाजवादी पार्टी (लोसपा)ले अध्यक्ष ठाकुरलाई राष्ट्रपतिको उम्मेदवार बनाउन औपचारिक निर्णय गर्ने भएको छ । ठाकुरलाई राष्ट्रपति नै बनाउने गरी आफूहरुले तयारी थालेको नेता केशव झाले बताए ।
उनले भने, ‘हामी ठाकुरजीलाई राष्ट्रपतिको उम्मेदवार बनाउने तयारी गरिरहेका छौं । त्यसका लागि अन्य दलका नेताहरुसँग अनौपचारिक छलफल भइरहेको छ । केही दिनमा औपचारिक निर्णय गर्छौं ।’
ठाकुरलाई राष्ट्रपति बनाउने विषयमा संसदमा रहेका दलहरुको सकारात्मक जवाफ पाएको उनको जिकिर छ । नेता झाले राष्ट्रपतिको विषयमा बाहिरी हस्तक्षेप नहुने दाबीसमेत गरे ।
झाले भने, ‘राष्ट्रपति दलहरुबीचको आपसी सहमतिअनुसार हुने हो । कुनै बाहिर हस्तक्षेप छ जस्तो पनि लाग्दैन । तर, यही विषयलाई लिएर सत्ता गठबन्धनभित्र खटपट भएको देखिन्छ ।’
उनले अध्यक्ष ठाकुरसँग क्वात्राको भेटमा राष्ट्रपतिको विषयमा छलफल नभएको दावी पनि गरे । तर, प्रतिनिधिसभामा ४ र राष्ट्रियसभामा एक सीट रहेको र राष्ट्रिय पार्टीको मान्यतासमेत नपाएको लोसपाका अध्यक्षले भारतकै ब्याकअपमा राष्ट्रपतिमा उम्मेदवारी दिन तम्सिएको स्रोतको भनाइ छ ।
राष्ट्रपती कस्को लागि चुन्ने हो, कस्ले चुन्ने हो !? दुस्ट छिमेकिका कुरा सुनेउ होला नि !! कम्फर्टेबल राष्ट्रपती चाहियो रे, तिनिहरुले भनेको खुरुखुरु मान्ने !! यो प्रकारको खुलेआम घुस्पैठ र दवाव, २००७ सालमा काङ्रेश र त्रिभुवनले स्विकारेको भारतीय प्रभुत्वको झल्को आयो !! यसैबाट थर्किएर काम्छौ, वाध्य भैयो भन्दै लत्रिन्छौ कि, देश र जनताको भलाइ अनी प्रतिस्ठा र स्वाभिमानको कुरा सोच्छौ !! परिक्ष्या आयो !! देश घात मान्य छैन, देश घातिहरु नचल्मलाउ !!
यो क्वात्राले हैसियत नाघेर नेताका घरघर पुगेर राष्ट्रपतिमा चासो राख्न मिल्छ ? चासो राख्ने वितिक्कै ठाउँको ठाउँ यो तेरो चासोको कुरा होईन हाम्रो मामला हो, कुरा नगरौ भन्नुपर्ने । उसको राष्ट्रपति बनाउने कुरामा हामीले चासो देखाए उसले सुन्छ ? यसको मुख्य उद्देश्य एमालेलाई राष्ट्रपति नदिने हो । अरू जो भए पनि उसका गुलाम नै हुने हो । एमालेको गुलाम हुँदैन । त्यसैले उसले गुलामलाई पदमा लान खोजेको हो । चीनलाई यस्ता कुरामा मतलव छैन । भारत त हाम्रो परम शत्रु नै निस्कियो । यो माथि भर पर्नुपर्ने अवस्था नफेरे सम्म यसले सधैं गर्ने यहि हो । यहाँ फेरि दलाल, पाल्तु कुकुरहरूको कमी छैन । अब जनताले यस्ता भारतका कुकुरलाई लात नहाने अवस्था परिवर्तन हुँदैन । जनताले केवल राम्रो कुराको अपेक्षा मात्र गरेर, केही भएन भनेर गुनासो गरेर मात्र केही हुँदैन । मूल कारणमा प्रहार गर्नुपर्छ । निर्णायक बेलामा यस्ता दलाल कुकुरहरूलाई चिनेर लात हान्नुपर्यो । अन्यथा सधैं यस्तै हो ।
नागरिकता विधेयक जो पास गर्नु छ एमालेको मान्छे राष्ट्रपति हुँदा त्यो सम्भावना नहुने भए पछि दलालहरुलाई अगाडि सार्दै छ भारत ।यसमा माओवादी कम्फर्टेबल बनिरहन्छ या कम्युनिस्ट जस्तो देखिन खोज्छ हेर्नै छ ।हुन त संसारमा सबैभन्दा अविश्वसनीय मान्छे हुन यो पटक उनको विश्वसनीयता देखिन्छ ।