नेपाल र भारतबीचको पहिलो हाफ गोलरहित
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/09/Saff-women-inepal-vs-india-4.jpg)
काठमाडौं । नेपाल र भारत महिला फुटबल टीमले अन्तर्राष्ट्रिय मैत्रीपूर्ण खेलको पहिलो हाफ गोलरहित बारबरी खेलेका छन् ।
जवारलाल नेहेरु स्टेडियम चेन्नाईमा जारी खेलको पहिलो हाफमा दुवै टीमले गोल गर्ने अवसरहरु पाएपनि त्यसलाई सदुपयोग गर्न नसक्दा अग्रता लिन चुके ।
पछिल्लो समय भदौमा काठमाडौंमा आयोजना गरिएको महिला साफ च्याम्पियनसीपमा आमने सामने भएका भारत र नेपाल ६ महिना पछि एक अर्काविरुद्ध खेल्दैछन् ।
महिला साफको सेमिफाइनलमा नेपालले भारतलाई १-० गोलको नतिजामा पराजित गर्दै ऐतिहासिक जित निकालेको थियो ।
आजको खेलमा भारत नेपालसँग घरेलु मैदानमा हारको बदला लिने रणनितिसहित मैदान उत्रिएको छ भने नेपाल लगातार भारतमाथि जित निकाल्ने लक्ष्यमा छ ।
यस खेललाई ओलम्पिक छनोटको तयारिका रुपमा लिइएको छ । दोस्रो मैत्रीपूर्ण खेलमा भारत र नेपाल शनिबार प्रतिस्पर्धा गर्नेछन् ।