क्लब विश्वकपको फाइनलमा रियल मड्रिड
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/02/128570209_gettyimages-1246898458.jpg)
काठमाडौं । स्पेनिस क्लब रियल मड्रिड फिफा क्लब विश्वकप फुटबलको फाइनलमा प्रवेश गरेको छ ।
बुधवार राति सम्पन्न सेमिफाइनलमा इजिप्टको अल अहली स्पोर्टिङ क्लबलाई ४-१ गोलको नतिजामा पराजित गर्दै रियल फाइनलमा प्रवेश गरेको हो ।
खेलको ४२ औँ मिनेटमा भिनिसियस जुनियरले गोल गर्दै रियललाई अग्रता दिलाएका थिए । फेडेरिको भाल्भर्देले ४६औँ मिनेटमा गोल गर्दै रियलको अग्रता दोब्बर पारे ।
अल अहलीका अलि माउलोले ६५औँ मिनेटमा टिमका लागि पहिलो गाल गरे । खेलको इन्जुरी समयमा रोड्रिगोले गोल गर्दै रियलको अग्रता फराकिलो पारे ।
इन्जुरी समयमै सेर्जियो अरिबासले गोल गर्दै रियलको जित ४-१ ले सुनिश्चित गरे ।
रियलले उपाधिका लागि साउदीको अल हिलालसँग खेल्नेछ ।अल अहलीले तेस्रो स्थानको लागि ब्राजिलको फ्लामेन्गोसँग खेल्नेछ ।