काम नगर्ने अनि समय थप्नुपर्‍यो भन्ने ठेकेदारलाई अब समय दिइन्नँ : मुख्यमन्त्री जम्कट्टेल

हेटौँडा । वागमती प्रदेशका मुख्यमन्त्री शालिकराम जम्कट्टेलले हेटौँडा-भीमफेदी-फाखेल-काठमाण्डौँ सडकखण्डलाई दुई महिना भित्र स्तरोन्नति गर्न निर्देशन दिएका छन् ।

आज हेटौँडामा भएको सर्वपक्षीय बैठकमा बोल्दै मुख्यमन्त्री जम्कट्टेलले देशको राजधानी काठमाडौंबाट प्रदेशको राजधानी जोड्ने सडकको अवस्था जिर्ण रहेको भएको भन्दै उक्त सडकखण्डलाई सुधार गरी ब्यवस्थित बनाउनको लागि मातहतका निकायलाई निर्देशन दिएका हुन् ।

जिल्ला प्रशासन कार्या।लय मकवानपुरमा भएको सर्वपक्षीय बैठकमा बोल्दै मुख्यमन्त्री जम्कट्टेलले ठेक्का लिएर समयमा नै काम नगर्ने ठेकेदारको ठेक्का रद्धसमेत गर्न आफूहरु तयार रहेको बताए । काम गर्दागर्दै समय पुगेन भने फरक कुरा हो, तर ठेक्का लिएर वर्षौंसम्म सडकमा एकदुई टिप बालुवा खन्याएर छाडने, काम नगर्ने ठेकेदारहरुलाई अब हामी छाड्दैनौ, मुख्यमन्त्री जम्कट्टेलले भने ।

प्रदेशको राजधानी जोड्ने ६ वटा सडकहरुमध्य पहिलो चरणमा फाखेल हुँदै जोडने सडकखण्ड निर्माणको काम फागुन १ गतेबाट हुने र कम्तिमा २ महिना भित्र सडकको काम सक्नको लागि मुख्यमन्त्री जम्कट्टेलले ठेकेदार कम्पनीसहित सम्बन्धित सबै निकायलाई निर्देशन दिएका हुन् ।