आकस्मिक बैठकमा रास्वपा : प्रधानमन्त्रीको नयाँ प्रस्तावबारे छलफल

काठमाडौं । राष्ट्रिय स्वतन्त्र पार्टीको केन्द्रीय समिति र संसदीय दलको संयुक्त बैठक अहिले बसिरहेको छ ।

बालुवाटार स्रोतका अनुसार रास्वपालाई प्रधानमन्त्रीले गृहको सट्टा भौतिक पूर्वाधार मन्त्रालय लिन प्रस्ताव गरेका छन् । प्रधानमन्त्रीको नयाँ प्रस्तावको विषयमा निर्णय लिन आकस्मिक बैठक बोलाइएको रास्वपाका एक नेताले जानकारी दिए ।

गृहमन्त्रालयबारे निर्णय लिन रास्वपाले प्रधानमन्त्री पुष्पकमल दाहाल ‘प्रचण्ड’ लाई दिएको समयसीमा आजै साँझदेखि सकिएको छ ।

रास्वपाका सभापति रवि लामिछानेले गृहमन्त्रालयको अडान लिइरहँदा प्रधानमन्त्री गृहमा उनलाई फर्काउन सकारात्मक छैनन् । सत्ताघटकको प्रमुख दल एमाले अध्यक्ष केपी ओली भने रविको पक्षमा छन् ।