निर्वाचनमा अन्तर्घात गर्नेहरूमाथि जसपाले स्पष्टीकरण लिँदै
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/02/328883127_1914976658848752_4494568745034385873_n.jpg)
काठमाडौं । जनता समाजवादी पार्टी (जसपा) नेपालले निर्वाचनमा घात अन्तर्घात गर्नेहरूमाथि स्पष्टीकरण सोध्ने कामलाई तीव्रता दिएको छ ।
पार्टीका केन्द्रीय कार्यकारिणी सदस्य शिवलाल थापा संयोजकत्वको छानबिन समितिले जिल्ला जिल्लामा पुगेर पार्टी हित विपरीत काम गरेको आरोप लागेका नेता, कार्यकर्ताहरूको विवरण संकलन गर्ने र बयान लिने कार्य गरिरहेको छ ।
समितिको टोलीले मोरङ, सप्तरी, सिराहा, महोत्तरी र धनुषामा पुगी आरोपितहरूबारे सत्य तथ्य बुझ्ने कार्य गरिरहेको छ । टोली बुधवार सर्लाहीको मलङ्गवा पुगेको छ ।
प्रचार विभाग प्रमुख पूर्ण बस्नेतका अनुसार पार्टीका केन्द्रीय कार्यकारिणी समितिका सदस्यदेखि स्थानीय तहका नेताहरूमाथि निर्वाचनमा अन्तर्घातको आरोप लागेको छ ।
पार्टीको राजनीतिक समितिको बैठकले छानबिन समितिलाई आफ्नो कार्य सम्पन्न गर्न माघ मसान्तसम्मको समय सीमा दिएको छ ।