भारतबाट बढेर आयो डिजेल र पेट्रोलको भाउ, ग्यास भने घट्यो – Nepal Press

भारतबाट बढेर आयो डिजेल र पेट्रोलको भाउ, ग्यास भने घट्यो

काठमाडौं । डिजेल र पेट्रोलको भाउ भारतबाट बढेर आएको छ । ग्यासमा भने प्रतिसिलिन्डर ७५ रूपैयाँ घटेर आएको छ । भारतीय आयल कर्पोरेसन (आईओसी) ले नेपाल आयाल निगमलाई इन्धनको नयाँ मूल्यसूची पठाएको हो ।

निगमका प्रवक्ता विनितमणि उपाध्ययाका अनुसार पेट्रोल प्रतिलिटर ८.१ रुपैयाँ, डिजेल ७.९८ रुपैयाँ, मट्टितेल ४.६१ रुपैयाँ मूल्य बढेर आएको छ । भने, हवाई इन्धन ७.८० रूपैयाँले बढेर आएको छ ।

मूल्य समायोजन नगर्ने हो भने १५ दिनमा निगमलाई ९ करोड ४१ लाख रूपैयाँ घाटा हुने बताइएको छ ।

अन्तर्राष्ट्रिय बजारमा विगत एक महिनामा कच्चा तेलको भाउ प्रतिब्यारेल करिब ८ अमेरिकी डलरले बढेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर