पवन समूहको समानान्तर गतिविधिपछि पञ्चाको यस्ताे ‘रियाक्सन’ – Nepal Press

पवन समूहको समानान्तर गतिविधिपछि पञ्चाको यस्ताे ‘रियाक्सन’

तीन सचिव मनोनीत, विभाग र प्रदेश इन्चार्ज पनि तोकिए (सूचीसहित)

काठमाडौं । सत्तारुढ नेकपा माओवादी केन्द्रको विद्यार्थी संगठन अखिल (क्रान्तिकारी) को आन्तरिक विवाद झन् छताछुल्ल भएको छ ।

विधि र सिद्धान्त मिचेर पञ्चा सिंहले एकलौटी संगठन चलाएको भन्दै पवन कार्की समूहले देशव्यापी रूपमा समानान्तर कमिटी बनाएपछि विवादले उग्र रुप लिएको हो ।

कार्की नेतृत्वमा देशव्यापी समानान्तर कमिटी विस्तार गरेपछि पञ्चाले पनि सचिव, विभाग र प्रदेश इन्चार्ज तोकेर एक परिपत्र पठाएकी छन् ।

परिपत्र अनुसार प्रदेश १ को इन्चार्जमा खगेन्द्र सुवेदी, सहइन्चार्जमा ताजिम अन्सारी, मधेश प्रदेशमा अनिल भगत, वागमती प्रदेशमा इन्चार्जमा कृष्ण न्यौपाने, विशेष प्रदेश इन्चार्जमा प्रसुिन कार्की, सह इन्चार्जमा बाबुराम नेपाली, गण्डकी प्रदेशमा नारायण बडाल, लुम्बिनीमा सूर्य घर्ती, सहइन्चार्जमा तुल्सीमणी केसी, कर्णाली प्रदेश इन्चार्जमा तिर्शना हमाल र सुदुरपश्चिममा भिम भट्ट रहेका छन् ।

यस्तै, उनले परिपत्रमार्फत् स्ववियु निर्वाचन अगाडि पनि कुनै पनि तहको सम्मेलन नगर्न समेत निर्देशन दिएकी छन् ।

यसअघि कार्की समूहले केन्द्रीय आयोग प्रमुखहरू, प्रवक्ता/विभागीय प्रमुखहरू, प्रदेश समिति र विश्वविद्यालय राष्ट्रिय समितिका इन्चार्ज र संयोजकसहितको कार्यालय टिम र विभागीय सचिवहरूको जिम्मेवारी तोकेको थियो ।

विज्ञप्ति:

प्रतिक्रिया

Leave a Reply

Your email address will not be published. Required fields are marked *