मलेसियामा अलपत्र परेका १३ मध्ये ६ जना आज स्वदेश फर्किँदै
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/01/malesiyama-nepali-uddar.gif)
काठमाडौं । मलेसियामा अलपत्र परेकामध्ये ६ जन आज स्वदेश फर्किँदै छन् ।
क्वालालम्पुरस्थित नेपाली दूतावासको सहयोगमा १३ जनामध्ये ६ जना आज स्वदेश फर्किने भएका हुन् ।
बाँकी ७ जना शुक्रवार नेपाल फर्कने परराष्ट्र मन्त्रालयले जनाएको छ ।
मलेसियाको प्लान्टेसन क्षेत्रमा काम गर्ने कम्पनी पीआरएस फोरेस्ट म्यानेजमेन्ट (एम) एसडीएन बीएचडीमा काम गर्ने गरी गएका १३ जना नेपाली अलपत्र परेका थिए ।
दूतावासले रोजगारीमा पठाउने कम्पनी त्रिवेणी एचआर सोलुसन प्राइभेट लिमिटेडको प्रतिनिधिसमेतको रोहबारमा दूतावासमा ती १३ जना नेपालीसँग छलफल गरी उनीहरूलाई नेपाल फर्कने प्रबन्ध मिलाएको हो ।
उनीहरूलाई नेपाल फर्कनका लागि आवश्यक पर्ने मलेसियाली अध्यागमन विभागको चेकआउट मेमो र हवाई टिकटको व्यवस्था र नेपाल नफर्केसम्मका लागि बस्ने र खाने व्यवस्था मिलाइसकेको पनि दूतावासले जनाएको छ ।