एम्बाप्पेको ह्याट्रिक,अतिरिक्त समयमा फ्रान्सको रोमाञ्चक बराबरी
नेपाल प्रेस
२०७९ पुष ३ गते २३:२४
काठमाडौँ । कतारमा जारी फिफा विश्वकप २०२२ फाइनलमा अर्जेन्टिनाविरुद्ध फ्रान्सका स्ट्राइकर किलियन एम्बाप्पेले ह्याट्रिक गरेका छन् ।
लुसेल रङ्गशालामा जारी रोमाञ्चक फाइनल खेलमा एम्बाप्पेको ह्याट्रिकसँगै फ्रान्सले पुनः खेललाई ३–३ गोलको बराबरी गरेको छ । निर्धारित समय २–२ गोलको बराबरीमा सकिएको खेल अतिरिक्त समयमा धकेलिएको थियो ।
मेसीले १०८औँ मिनेटमा गोल गर्दै पुनः अर्जेन्टिनालाई अग्रता दिलाएका थिए । एम्बाप्पेले ११८औँ मिनेटमा पेनाल्टी मार्फत गोल गर्दै खेललाई ३–३ को बराबरीमा ल्याएका थिए । एम्बाप्पे १९६६ को विश्वकप पछि फाइनलमा ह्याट्रिक गर्ने पहिलो खेलाडी बने ।
नेपाल प्रेस
प्रकाशित: २०७९ पुष ३ गते २३:२४
प्रतिक्रिया
सम्बन्धित खवर
