पेरिसडाँडामा माओवादी पदाधिकारी बैठक सुरू

काठमाडौं । सत्तागठबन्धन घटक नेकपा माओवादी केन्द्रको पदाधिकारी बैठक पेरिसडाँडामा सुरू भएको छ । नयाँ सरकार गठनका दलहरूबीच आन्तरिक गृहकार्य जारी रहेको बेला माओवादीले पदाधिकारी बैठक डाकेको हो ।

माओवादी महासचिव देव गुरुङका अनुसार सरकार गठन, संसदीय दलका नेता चयनलगायतका विषय बैठकका मुख्य एजेण्डा छन् ।

माओवादीमा दलको नेता प्रचण्ड हुने निश्चित छ । माओवादीले आफ्ना अध्यक्ष प्रचण्डलाई नै प्रधानमन्त्रीका रूपमा अघि सारेको छ । माओवादीले आलोपालो प्रणालीमा सुरूमा प्रचण्डलाई प्रधानमन्त्री दिनुपर्ने गठबन्धनमा दाबी गरिरहेको छ ।