अफ्रिका र दक्षिण अमेरिकापछि एसियामा पनि विश्व च्याम्पियन बन्न चाहन्छ युरोप

दोहा। युरोपले १६ वर्षयता अन्य महादेशलाई विश्वकपको उपाधि जित्न दिएको छैन। आइतबार राती कतारमा २२ औँ विश्वकपको उपाधिका लागि फ्रान्स र अर्जेन्टिना उत्रँदा युरोपियन टोली विश्व फुटबलमा लगातारको दबदबा कायम राख्ने प्रयासमा रहने छ।

सन् २०१० सम्म युरोपेली टोलीले युरोपबाहिर आयोजित विश्वकप जित्न सकेका थिएनन्। सन् २०१० मा दक्षिण अफ्रिकामा आयोजित विश्वकपमा नेदरल्यान्ड्स र स्पेन फाइनल पुगेपछि दक्षिण अमेरिकी टोलीको दबदबा तोडिएको थियो।

नेदरल्यान्ड्सलाई फाइनलमा हराएर स्पेन युरोपबाहिर आयोजित विश्वकप जित्ने पहिलो युरोपेली टोली बनेको थियो। सन् २०१४ मा ब्राजिलमा आयोजित विश्वकपमा दक्षिण अमेरिकी टोली फाइनलसम्म पुगेपनि जर्मनीले अर्जेन्टिनालाई १(० गोलले हराएको थियो। चार वर्षअघि युरोपमै आयोजित संस्करणमा फाइनल पुगेका दुवै टोली युरोपेली थिए।

विश्वकपका अघिल्ला २१ संस्करणमध्ये ब्राजिलले पाँच पटक, इटाली र जर्मनीले ४र४ पटक, अर्जेन्टिना र उरुग्वे र फ्रान्सले दुई दुई पटक तथा स्पेन र इङ्गल्यान्डले एकएकपटक जितेका छन्।

युरोपले १२ पटक र दक्षिण अमेरिकाले ९ पटक यो प्रतियोगिता जितेको छ। दक्षिण अमेरिकी टोलीले अन्तिम पटक सन् २००२ मा विश्वकप जितेको थियो। त्यति बेला एसियामा आयोजित संस्करणको फाइनलमा ब्राजिलले जर्मनीलाई हराएको थियो।