ओलीसँग भेटेपछि देव गुरुङले भने- बधाई दिएँ, सरकारबारे कुरा भएन
नेपाल प्रेस
२०७९ मंसिर २८ गते १२:०६
काठमाडौं । वामपन्थी सरकार गठनको विषयमा चर्चा चलिरहेको बेला नेकपा माओवादी केन्द्रका महासचिव देव गुरुङले एमाले अध्यक्ष केपी शर्मा ओलीलाई भेटेका छन् ।
मंगलबार साँझ ओलीलाई भेट्न महासचिव गुरुङ बालकोट पुगेका थिए ।
अध्यक्ष ओली प्रतिनिधिसभामा निर्वाचित भइसकेपछि बधाई दिनमात्रै गएको महासचिव गुरुङले बताए ।
उनले भने, ‘उहाँ विजयी हुनुभएको छ । उहाँलाई बधाई दिनमात्रै गएको हुँ ।’
ओलीसँग भेटेर एमाले माओवादी मिलेर सरकार बनाउने विषयमा छलफल थाल्नुभएको हो ? भन्ने नेपालप्रेसको जिज्ञासामा उनले त्यसमा छलफल नभएको बताए ।
उनले भने, ‘सरकार गठनको विषयमा छलफल भएको छैन । बाहिर हल्ला धेरै हुन्छ।’
नेपाल प्रेस
प्रकाशित: २०७९ मंसिर २८ गते १२:०६
प्रतिक्रिया
सम्बन्धित खवर
