रेखा थापाको निर्वाचन खर्च तीन लाख मात्रै

काठमाडौं । राष्ट्रिय प्रजातन्त्र पार्टी (राप्रपा)बाट प्रतिनिधि सभा निर्वाचन क्षेत्र नम्बर तीनका उम्मेदवार अभिनेत्री रेखा थापाको निर्वाचन खर्च तीन लाख मात्रै भएको छ । उनले तीन लाख नौ हजार सात सय ७२ रुपैयाँ मात्रै निर्वाचन खर्च भएको प्रदेश निर्वाचन कार्यालय प्रदेश एक बिराटनगरमा पेश गरेको विवरण सार्वजनिक गरेकी हुन् ।

उनले सबैभन्दा बढी प्रिन्ट तथा स्टेसनरीमा ७४ हजार तीन सय ४६ रुपैयाँ खचिएकी छन् भने दोस्रोमा सबैभन्दा बढी ५० हजार डिजाइनमा खर्चिएकी छन् । अभिनेत्री थापाले प्रचारप्रसारमा ४० हजार, खाना तथा खाजामा ३५ हजार, इन्धनमा ३४ हजार, साउण्ड सिस्टममा १९ हजार, धरौटीमा पाँच हजार र विविधमा २२ हजार तीन सय ५० रुपैयाँ खर्चिएको प्रदेश निर्वाचन कार्यालय प्रदेश एक बिराटनगरमा पेश गरेको खर्चको विवरणमा उल्लेख छ ।