भारतमाथी बंगलादेश एक विकेटले विजयी, १० ‍औँ विकेटका लागि ५१ रनको साझेदारी – Nepal Press

भारतमाथी बंगलादेश एक विकेटले विजयी, १० ‍औँ विकेटका लागि ५१ रनको साझेदारी

नयाँ दिल्ली। बंगलादेशले भारतविरुद्धको एकदिवशीय अन्तर्राष्ट्रिय क्रिकेट शृंखलाअन्तर्गत पहिलो खेलमा एक विकेटको रोमान्चक जित हात पारेको छ। एक सय ८७ रनको लक्ष्य बंगलादेशले ४६ ओभरमा ९ विकेट गुमाएर पुरा गर्‍यो।

बंगलादेशका मेहदी हसन मिराज र मुस्ताफिजुर रहमानले ११० औँ विकेटका लागि अविजित ५१ रनको साझेदारी गरे। मिराज ३८ र मुस्ताफिजुर १० रनमा अविजित रहे। बंगलादेशको पालीमा कप्तान लिटन दासले ४१ र सकिब अल हसनले पनि २९ रन बनाएका थिए। मोहम्मद सिराजको ३ तथा कुलदिप सेन र वासिङ्टन सुन्दरको दुई दुई विकेट मदतमा बंगलादेश दबाबमा आएको थियो।

त्यसअघि टस हारेपछि पहिला ब्याटिङको जिम्मा पाएको भारतले  ४१ ओभर २ बलमा सबै विकेट गुमाएर एक सय ८६ रन जोड्यो। भारतलाई सस्तोमा समेट्न बंगलादेशका सकिब अल हसन एक्लैले ५ विकेट लिए। एबाटन होसेनले पनि ४ विकेट लिए। भारतका केएल राहुलले ७३ रन जोडे।

४ विकेट गुमाएर एक सय ५२ रन जोडेको अवस्थामा भारतले चार रनका लागि पछिल्ला चार विकेट गुमाएको थियो। भारतका केएल राहुल रनमा खेल्दैछन्। रोहित शर्माले २७, श्रेयस अयरले २४ र वासिङ्टन सुन्दरले १९ रन बनाए।

शिखर धवन ७ र विराट कोहली ९ रनमा आउट भए। सकिबले सुन्दरलाई पाचौँ विकेटका रुपमा आउट गरेपछि भारत संकटमा पर्न थालेको थियो। सकिबले १० ओभरमा २ मेडन राखेर ३६ रन खर्चिए। एबाटनले ८.२ ओभरमा ४७ रन खर्चिए।

प्रतिक्रिया

Leave a Reply

Your email address will not be published. Required fields are marked *