सरकार गठनको विषयमा गठबन्धनमा छलफल गर्ने माओवादीको निर्णय (भिडिओ) – Nepal Press

सरकार गठनको विषयमा गठबन्धनमा छलफल गर्ने माओवादीको निर्णय (भिडिओ)

देव गुरुङ भन्छन्- नेतृत्व दाबी स्वभाविक हो, सबै दलसँगको सहमतिमा अघि बढ्छौँ

काठमाडौं । नेकपा माओवादी केन्द्रले सबै दलहरूसँग सहमति र समझदारीमा अघि बढ्ने निर्णय गरेको छ।

पार्टी केन्द्रीय कार्यालयमा बसेको पदाधिकारी बैठकपछि महासचिव देव गुरुङ सरकार गठनको विषयमा गठबन्धन दलसँग छलफल गरेर अगाडि बढ्ने प्रष्ट पारे।

भोलि गठबन्धनको बैठक बसेर निर्वाचनको समीक्षा गरेर सरकार गठनको विषयमा धारणा बनाउने उनको भनाइ छ।

अहिले आफूहरू गठबन्धनमै रहेको कारणले एमालेसँग मिलेर सरकार बनाउने विषयमा कुनै छलफल नभएको जिकिर गरे। अहिले गठबन्धनमै भएकाले मुख्य प्राथमिकता नै त्यही हुने उनले दाबी गरे।

उनले भने, ‘हिजो प्रवक्ताज्यूले कुन प्रसङ्गमा भन्नुभयो त्यो थाहा भएन। तर, अहिलेसम्म सरकार गठनको विकल्पबारे छलफल भएकै छैन।’

अहिलेसम्म गठबन्धनमा कुनै विमति र असहमति नरहेर गठबन्धनबाटै अगाडि बढ्न पहल गर्ने उनको भनाइ छ। पार्टीले तुरुन्तै गठबन्धनको विकल्प अवस्थामा नरहेको दाबी गरे।

उनले भने, ‘सरकारको विषयमा प्रवेश भएको छैन। हामीले नेतृत्वमा दाबी गर्नु स्वभाविक भयो। तर, अहिले आपसी सहमतिबिना सरकारको नेतृत्वको सम्भव छैन। हामीले समझदारी खोजेका छौँ। परिवर्तनको बाहक भएकाले माग गर्नु स्वभाविक छ। सहमतिमै जोड छ।’

निर्वाचनको प्रारम्भिक समीक्षा भएको बताउँदै पार्टी स्थायी र केन्द्रीय कमिटीमा छलफल हुने बताए।

उनले भने, ‘गठबन्धनबाट जाँदा पनि अपेक्षाकृत नतिजा नआए पनि मूलभूत रूपमा सफल नै भएको छ। निर्वाचनमा थोरै तलमाथि भएको हुनसक्छ। त्यसलाई हामीले स्वीकार गरेर नै अगाडि बढ्नुपर्छ।’


प्रतिक्रिया

Leave a Reply

Your email address will not be published. Required fields are marked *