मेस्सीले दिलाए अग्रता, पहिलो हाफमा अर्जेन्टिना १-० गोलले अगाडि

दोहा। कतारमा जारी विश्वकप फुटबलअन्तर्गत अहिले भइरहेको प्रिक्वाटरफाइनल भिडन्तमा अर्जेन्टिना अस्ट्रेलियाविरुद्ध  पहिलो हाफको समाप्तीमा १-० गोलले अगाडि रहेको छ।

खेलको ३५ औँ मिनेटमा लियोनल मेस्सीले अर्जेन्टिनालाई अग्रता दिलाएका हुन्। उनले आफैले सृजना गरेको मुभमा डीबक्सभित्रबाट सेकेन्ड बार च्यापेर गोल गरे।

जारी विश्वकपमा मेस्सीको यो तेस्रो गोल हो। उनले क्लब र राष्ट्रिय टोलीका लागि गरि एक हजारौँ खेलमा गोल गरेका हुन्।

मेस्सीको विश्वकप गोल संख्या ९ पुगेको छ। डिएगो म्याराडोना, क्रिस्टियानो रोनाल्डोजस्ता खेलाडीलाई उनले पछाडि पारेका छन्। जारी विश्वकपमा मेस्सीले समूहगत चरणका सुरुका दुई खेलमा एक एक गोल गरेका थिए।