महानगरले डोजर लगाउने हल्लापछि सुकुम्बासीहरु मुठभेडको तयारीमा (तस्बिरहरु)
२०७९ मंसिर १२ गते १४:३४
काठमाडौं । काठमाडौं महानगरपालिकाले बस्तीमा डोजर लगाउने हल्लापछि थापाथलीस्थित बस्तीमा सुकुम्बासीहरु प्रतिकारको तयारीमा लागेका छन् । उनीहरुले आफूहरुलाई कि अन्यत्रै भए पनि बस्ने व्यवस्था मिलाउनुपर्ने वा त्यहीँ खाल्डो खनेर पुर्नसमेत उनीहरुले महानगरलाई चेतावनी दिएका छन् ।
उनीहरु हातमा लाठी तथा अन्य घरेलु अस्त्रसहित तयारी अवस्थामा रहेका छन् । महानगरले अनधिकृतरुपमा निर्माण गरिएका संरचनाहरु भत्काउने अभियानअन्तर्गत सुकुम्बासी बस्तीमा डोजर लगाउने गरेको बताइएको छ । हाल महानगर प्रहरी र नेपाल प्रहरी बस्तीमा आएका छन् । यसबारे महानगरलाई बुझ्न खोज्दा सम्पर्क हुन सकेन ।
तस्बिरहरुः
प्रकाशित: २०७९ मंसिर १२ गते १४:३४
प्रतिक्रिया
सम्बन्धित खवर
