जनताले रगत बगाएर ल्याएको परिवर्तनलाई उल्ट्याउन दिइने छैन : प्रचण्ड – Nepal Press

जनताले रगत बगाएर ल्याएको परिवर्तनलाई उल्ट्याउन दिइने छैन : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले राजनीतिक दलका नेतृत्व नसच्चिए देश झन् ठुलो भूमरीमा पर्नेसक्ने चेतावनी दिएका छन् ।

गोरखा २ बाट निर्वाचित भएपछि आयोगबाट प्रमाणपत्र लिएपछि आयोजित कार्यक्रमलाई कुनै पनि हालतमा जनताले रगत बगाएर ल्याएको परिवर्तनलाई उल्ट्याउन नदिइने बताए ।

उनले भने, ‘एजेण्डा होइन, एउटा आवेगमा देशलाई कही न कही भ्रमित पार्ने संकेत पनि देखा परे । त्यसैले, म अहिले कसैलाई दोष र आरोप लगाउने पक्षमा छैन । यो हाम्रोलाई ठुलो चुनौती हो । जसले यो राजनीतिक परिवर्तन र जनताका लागि लडाईं लडे ती पार्टीलाई चुनौती हो ।’

कसैलाई गाली गर्नुभन्दा पनि राजनीतिक नेतृत्वले आत्मसमिक्षा गर्नुपर्ने अवस्थाको रुपमा लिएको बताए ।

उनले भने, ‘यो परिस्थितीमा यति ठुला परिवर्तन र आन्दोलन गर्ने राजनीतिक दल र नेताहरुले एकचोटी आफैभित्र फर्केर कहाँनेर कमी कमजोरी भए ? जसले गर्दा विचार र सिद्धान्त अबमुल्यन हुने खतरा देखा पर्यो। राजनीतिक एजेण्डा ओझेलमा परेको बेलामा राजनीतिक नेतृत्वले नै सोच्नुपर्ने बेला आइलागेको छ ।’

उनले आफ्नो पार्टी र गठबन्धन दलमा पनि कुरा गर्ने बताए । आगामी दिनमा जनताको निम्ति समर्पित हुने नीति योजना र कार्यक्रम नल्याउने भए देश अफ्ठ्यारोमा पर्नसक्ने चेतावनी दिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर