मकवानपुर-१ मा जिततर्फ दीपक सिंह

हेटौँडा । राष्ट्रिय प्रजातन्त्र पार्टी (राप्रपा) को तर्फबाट मकवानपुर क्षेत्र नम्बर १ का उम्मेदवार दीपकबहादुर सिंहको जित निश्चित भएको छ ।

गणनाको पहिलो दिनबाट तेस्रो स्थानमा रहँदै आएका सिंह हेटौँडा उपमहानगरपालिका क्षेत्रमा प्रवेश गरेसँगै आक्रमकरूपमा अघि बढेका छन् ।

हालसम्म गणना भएको ८४ हजार ५ सय ६८ मतमा सिंहले २५ हजार ६५ मत प्राप्त गर्दा नेपाली कांग्रेसकी महालक्ष्मी उपाध्यय डिनाले २४ हजार ३ सय ३० मत ल्याएकी छिन् ।

एमालेका कमल थापाले २३ हजार ७ सय १४ मत प्राप्त गरेका छन् । अहिले वडा नम्बर हेटौँडाको ९ र १२ मा गणना भैरहेको छ । यहाँ पनि दीपकले अग्रता बढाउँदै लगेका छन् । १० नम्बरको गणना बाँकी छ ।