झापा ५ मा ओलीको ९ हजार बढी मतको अग्रता

काठमाडौं । झापा क्षेत्र नं. ५ मा नेकपा एमालेका अध्यक्ष केपी शर्मा ओली फराकिलो मतान्तरसहित अग्रता कायमै गरेका छन् ।

हालसम्म भएको ४२ हजार मतगणनामा ओलीले २१ हजार १६७ मत ल्याउँदा नेपाली कांग्रेसका खगेन्द्र अधिकारीले १२०६६ मत प्राप्त गरेका छन् । सोमबारदेखि सुरु मतगणनामा सुरुवातदेखि नै अग्रस्थानमा रहेका ओलीले मतान्तर बढाउँदै लगेका हुन् ।

ओली २०७४ सालको निर्वाचनमा यसै क्षेत्रबाट अत्याधिक मतसहित विजयी बनेका थिए ।