चितवनमा भोट हालेर गोरखा पुगे प्रचण्ड (तस्बिरहरु)

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड गोरखाको मतदान केन्द्रको अवलोकनमा व्यस्त भएका छन्। चितवनबाट भोट हालेर गोरखा पुगेका प्रचण्ड मतदान केन्द्रको अवलोकनमा छन्।

०७४ सालमा चिवतन ३ बाट निर्वाचित अध्यक्ष प्रचण्ड यसपटक गोरखा २ बाट उम्मेदवार बनेका छन्। उनीसँग एमालेका अब्दुश मियाँ चुनावी मैदानमा छन्।

उनले गोरखा २ का बिरिनचोकस्थित मतदान केन्द्र, कुन्दुरटार मतदान केन्द्रको अवलोकन गरेका छन्। त्यसअघि तनहुँ आँबु खैरेनीमा रहेको रामशाह माध्यमिक विद्यालयस्थित मतदान केन्द्र र जम्वादेवी मतदान केन्द्रको अवलोकन गरेका थिए।