गुल्मी २ को निर्वाचन अग्रगमन र प्रतिगमनविरुद्धको जनमत सङ्ग्रह हो : रामकुमारी झाँक्री (भिडिओ)

काठमाडौं । नेकपा (एकीकृत समाजवादी) की सचिव रामकुमारी झाँक्रीले गुल्मी प्रतिनिधिसभा क्षेत्र नम्बर क्षेत्र नम्बर २ को निर्वाचन अग्रगमन र प्रतिगमनका विरुद्धको जनमत सङ्ग्रह भएको बताएकी छन् ।

गुल्मी क्षेत्र नम्बर २ का बाम लोकतान्त्रिक गठबन्धनका उम्मेदवारसँगको काठमाडौंमा आयोजित एक अन्तरक्रिया कार्यक्रममा बोल्दै उनले यस्तो बताएकी हुन् ।

उनले भनिन्, ‘यस पटक मंसिर ४ गते हुने निर्वाचन गुल्मी क्षेत्र नम्बर २ मा अग्रगमन र प्रतिगमनका विरुद्ध साँचो रूपमा भन्दा जनमत संग्रह हो । यो जनमत सङ्ग्रहमा अग्रगमनले जित्नुपर्छ । मंसिर ४ को गुल्मी क्षेत्र नम्बर २ को निर्वाचन अलोकतान्त्रिक, एक हिसाबले भनेको प्लूटोक्रेसी धनीहरूले मान्छेको मगज कब्जा गरेर गरिने शासन व्यवस्थाको विरुद्ध साँचो अर्थमा अलोकतान्त्रिक अभ्यास गर्ने जनमत हो ।’

उनले संविधानमाथि आक्रमण गर्नेका विरुद्ध गठबन्धन निर्माण भएको पनि बताएकी छन् ।

उनले भनिन्, ‘यो साझा बाटो हो । साझा गन्तव्य हो । पश्चगमनका विरुद्ध यो गठबन्धन बनेको हो । त्यसैले अब सोचौँ र सबैको सोच्नुपर्ने विषय हो ।’