घनश्यामलाई दीपशिखाको प्रश्नः हाम्रो चिह्नबाट नउठेपछि तपाईंलाई भोट किन हाल्ने ?

काठमाडौं । नेकपा माओवादी केन्द्रका नेता रामप्रसाद सापकोटा दीपशिखाले घनश्याम भुसाललाई गठबन्धनको साझा उम्मेदवार बनाउने निर्णयप्रति असन्तुष्टि जनाएका छन् ।

माओवादीको चुनाव चिह्नबाट लड्न अस्वीकार गरेरका भुसाललाई भोट किन हाल्ने भन्दै दीपशिखाले प्रश्न गरेका हुन् ।

प्रचण्ड निकट मानिएका नेता सापकोटाले फेसबुकमा लेखेका छन्, ‘माओवादीको चिह्नबाट चुनाव लड्दिनँ । उसो भए माओवादीले किन भोट हाल्ने ? कमरेड तपाईंलाई ओलीले टिकट नदिएपछि आउनुभयो । विचार, राजनीतिको कुरा थियो भने हिजै ओलीलाई काँधमा बोकेर हिम्ड्नुहुन्थेन ।’

उनले आफूहरुले लडेर ल्याएको गणतन्त्र र उपलब्धिको रक्षा गर्न विनाहिच्किचाहट चुनावी रणभूमिमा खरो उत्रिनुको विकल्प नभएकोसमेत उल्लेख गरेका छन् ।

एमाले‍बाट टिकट नपाएपछि नेता भुसाल पार्टी परित्याग गरेर रुपन्देही १ बाट स्वतन्त्र उम्मेदवारी दिने तयारीमा छन्। भुसाल २०७४ मा रुपन्देही ३ बाट निर्वाचित भएका थिए ।