माओवादीले दियो बाबुराम समूहलाई २ सीट, काठमाडौं ७ मा मानुषी
नेपाल प्रेस
२०७९ असोज २२ गते १४:०२
काठमाडौं । नेकपा माओवादी केन्द्रले बाबुराम भट्टराई नेतृत्वको नेपाल समाजवादी पार्टीलाई प्रतिनिधिसभातर्फ दुई सीट दिएको छ ।
माओवादीले काठमाडौं ७ र सर्लाही २ मा समाजवादी केन्द्रका उम्मेदवारलाई टिकट दिएको हो ।
काठमाडौं ७ मा मानुषी यमी भट्टराई उम्मेदवार हुने भएकी छन् । बाबुरामले गोरखा २ मा प्रचण्डलाई समर्थन गरेपछि छोरी मानुषीलाई प्रचण्डकै प्रस्तावमा काठमाडौं ७ मा उम्मेदवार बनाइएको हो ।
काठमाडौं ७ मा यसअघि पहिलो संविधानसभा निर्वाचनमा मानुषीकी आमा हिसिला यमी निर्वाचित भएकी थिइन् भने सोही क्षेत्रमा २०७० सालमा पराजित भएकी थिइन् ।
यस्तै सर्लाही २ बाट महिन्द्रराय यादवले टिकट पाएका छन् ।
नेपाल प्रेस
प्रकाशित: २०७९ असोज २२ गते १४:०२
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
