रुकुम पश्चिमको तीनै सीटमा माओवादी दाबी, नत्र अनपेक्षित परिणाम हुने चेतावनी – Nepal Press

रुकुम पश्चिमको तीनै सीटमा माओवादी दाबी, नत्र अनपेक्षित परिणाम हुने चेतावनी

काठमाडौं । नेकपा माओवादी केन्द्रले रुकुम पश्चिमका तीन वटै सीट नपाए परिणाम अनपेक्षित हुने भन्दै नेतृत्वको ध्यानाकर्षण गराएको छ ।

जिल्ला संयोजक गोविन्द रोका (सचिन)ले शुक्रवार विज्ञप्ति जारी गर्दै गठबन्धनको सीट बाँडफाँट मापदण्ड विपरित यसअघि जितेका क्षेत्र अन्य दललाई नदिन ध्यानाकर्षण गराएका हुन् । रुकुम पश्चिमको प्रतिनिधि सभा र दुवै प्रदेशसभामा यसअघि वाम गठबन्धन हुँदा पनि माओवादीले नै पाएको थियो र तीनै सीट जितेको थियो ।

रोकाले भनेका छन्– सिट बाँडफाँडको लागि गठबन्धन दलहरूले यसअघि जितेका क्षेत्रहरू यथावत् राखी अन्य क्षेत्रमा मात्र भागबन्डा मिलाउने भनी यसअघि निर्धारण गरिएको मापदण्ड अनुसार नै सिट बाँडफाँट सम्बन्धी निर्णय गर्न नेकपा ९माओवादी केन्द्र० रुकुम पश्चिम जोडदार माग गर्दछ । अन्यथा भएमा रुकुम पश्चिममा त्यसको परिणाम अनपेक्षित हुनसक्ने तर्फ सम्बन्धित पक्षको गम्भीर ध्यानाकर्षण गराउन चाहन्छौँ ।

गठबन्धनको सीट बाँडफाँटमा रुकुम पश्चिमको एउटा प्रदेश सभाको एउटा सीट नेपाली कांग्रेसले पाउने चर्चा चलिरहेका बेला माओवादीको यस्तो चेतावनी आएको हो ।

प्रतिक्रिया

One thought on “रुकुम पश्चिमको तीनै सीटमा माओवादी दाबी, नत्र अनपेक्षित परिणाम हुने चेतावनी

Leave a Reply

Your email address will not be published. Required fields are marked *

सम्बन्धित खवर