क्यान्डिडेट मास्टर थापाको विजयी सुरुवात
नेपाल प्रेस
२०७९ असोज १४ गते १०:५८
काठमाडौं । डिफेन्डिङ च्याम्पियन क्यान्डिडेट मास्टर कृष्ण थापाले ओमानमा जारी एसियन एमेच्योर चेस च्याम्पियनसिपमा विजयी सुरुवात गरेका छन् ।
सन् २०१९ नोभेम्बरमा काठमाडौंमा सम्पन्न च्याम्पियनसिपका विजेता थापाले बिहीबार भएको पहिलो चरणको खेलमा कुवेतका अलमुहाइनी अब्दुलाजिजलाई पराजित गरेका हुन् ।
९ चरणसम्म हुने प्रतियोगिताअन्तर्गत शुक्रबार साँझ हुने दोस्रो चरणको खेलमा थापाले जापानका ताकेनुउची अत्सुसीसँग प्रतिस्पर्धा गर्नेछन् ।
फिडे रेटिङ २ हजारभन्दा कम भएका र अधिकतम फिडे मास्टरसम्मको टाइटल प्राप्त खेलाडी सहभागी रहेको प्रतियोगिताका विजेताले १५ सय डलर नगद पुरस्कार प्राप्त गर्नेछन् ।
अक्टोबर ५ सम्म चल्ने प्रतियोगितामा एसियाका २० देशका १४६ जना खेलाडीको सहभागिता रहेको छ ।
नेपाल प्रेस
प्रकाशित: २०७९ असोज १४ गते १०:५८
प्रतिक्रिया
सम्बन्धित खवर
