यूईएफए नेसन्स लिग : बेल्जियम र नेदरल्यान्डको जित
नेपाल प्रेस
२०७९ असोज ७ गते ८:१७
काठमाडौं । यूईएफए नेसन्स लिगअन्तर्गत बिहिबार राति भएको लिग ए ग्रुप ४ को खेलमा बेल्जियम र नेदरल्यान्डले जित निकालेका छन् ।
बेल्जियमले घरेलु मैदानमा वेल्सलाई २-१ ले पराजित गर्यो । बेल्जियमको जितमा केभिन डि ब्रुएना र मिचे बात्सुयाईले गोल गरे । वेल्सका किफर मुरले एक गोल गरे ।
जितसँगै बेल्जियम ५ खेलबाट १० अंक जोडेर दोस्रो स्थानमा छ । पराजित वेल्स १ अंक जोडेर पुछारमा छ ।
समूहको अर्काे खेलमा नेदरल्यान्डले पोल्यान्डलाई २-० ले पराजित गर्यो । नेदरल्यान्डको जितमा कोडे गाक्पो र स्टेभन वर्गवाइनले गोल गरे ।
जितसँगै अपराजित नेदरल्यान्ड ५ खेलबाट १३ अंक जोडेर शीर्षस्थानमा छ । पोल्यान्ड ४ अंक जोडेर तेस्रो स्थानमा छ ।
नेपाल प्रेस
प्रकाशित: २०७९ असोज ७ गते ८:१७
प्रतिक्रिया
सम्बन्धित खवर
