महाअभियोगको जड परमादेश हो, गठबन्धनले मविरुद्ध न्यायाधीशहरुलाई प्रलोभन दिएको थियो

काठमाडौं । निलम्बित प्रधानन्यायाधीश चोलेन्द्र शमशेर जबराले आफूमाथिको महाअभियोग प्रस्ताव राजनीतिक भएको भन्दै यसमा असार २८ को फैसलापछिका घटनाक्रम मुख्य जड रहेको दाबी गरेका छन् ।

महाअभियोग सिफारिस समितिसमक्ष अन्तिम दिनको बयान दिने क्रममा राणाले राजनीतिक मुद्दाहरुमा भएका फैसलाका कारण महाअभियोग लागेको र असार २८ को फैसला मुख्य जड रहेको बताए ।

राणाले भने- केही राजनीतिक मुद्दाको परिणामबाट फैसलामा पूर्व अनुमान गरेर न्यायाधीश र प्रधानन्यायाधीशको बीचमा विभेद गराइयो । केहीलाई हौसला दिइयो, केहीलाई आश्वासन दिइयो, र प्रधानन्याधीशको पद केही पर राख्नुपर्छ, काम गर्न दिनुहन्न भन्ने वातावरण सिर्जना गर्न सबै क्रियाकलाप भयो ।

आफूमाथि लागेका सबै आरोप झुटा भएको भन्दै जबराले महाअभियोग प्रस्ताव खारेज हुनुपर्ने बताए ।