टुंगिएन सीट बाँडफाँट, कार्की भन्छन्- एउटैमा २/३ पक्षको दाबी छ (भिडिओ)
नेपाल प्रेस
२०७९ भदौ २७ गते १६:५९
काठमाडौं । सीट बाँडफाँट टुंग्याउन भनेर बसेको गठबन्धनका शीर्ष नेताको बैठक आज पनि निष्कर्षमा नपुगी सकिएको छ ।
बिहान १० बजेदेखि बालुवाटारमा बसेको बैठक निर्णयको नजिकमा पुगेको तर सहमति भइनसकेको सञ्चारमन्त्री एवं सीट बाँडफाँट कार्यदलका सदस्य ज्ञानेन्द्रबहादुर कार्कीले जानकारी दिए ।
एउटै सीटमा दोहोरो-तेहेरो दाबी परेको उनले बताए ।
‘एउटै सीटमा २/३ पक्षले दाबी गरेको अवस्था छ । त्यसलाई समाधान गर्न दुईपक्षीय र त्रिपक्षीय वार्ता भइरहेका छन्’, कार्कीले भने ।
दलहरूले आ-आफ्नो अडान राखेको र त्यसलाई विश्लेषण गर्ने काम भइरहेको उनको भनाइ छ ।
कार्कीले भने, ‘सबैले लचिलो हुनुको विकल्प छैन । दलहरूको अडान छ सुक्ष्म ढंगले विश्लेषण गरिरहेका छौं ।’
नेपाल प्रेस
प्रकाशित: २०७९ भदौ २७ गते १६:५९
प्रतिक्रिया
सम्बन्धित खवर
