प्रधानमन्त्रीका प्रेस सल्लाहकार परियार काठमाडौं ६ बाट समानुपातिकमा सिफारिस
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/09/govinda-pariyar.jpg)
काठमाडौं । प्रधानमन्त्री शेरबहादुर देउवाका प्रेस सल्लाहकार गोविन्द परियार काठमाडौं क्षेत्र नम्बर ६ को समानुपातिक सांसदको लागि सिफारिस भएका छन् ।
क्षेत्रीय समितिको हिजोको बैठकले परियारलाई सिफारिस गरेको हो । उनी सोही क्षेत्रबाट महाधिवेशन प्रतिनिधि छन् ।
नागरिक दैनिक, अन्नपूर्ण पोष्टलगायतका सञ्चारमाध्याममा १५ वर्षको अनुभव सम्हालेका परियार २०७४ सालमा पनि देउवा प्रधानमन्त्री हुँदा वरिष्ठ सञ्चार विज्ञमा नियुक्त थिए । प्रधानमन्त्रीको प्रेस सल्लाहकारको रूपमा उनको यो दोस्रो कार्यकाल हो ।
अमेरिकाको ओहायो विश्वविद्यालयबाट पत्रकारिता अध्ययन गरेका परियारले समाजशास्त्रमा त्रिभुवन विश्वविद्यालयबाट स्नातकोत्तर गरेका छन् । उनीले सन् २०१२ मा बेलायतको थम्सन फाउण्डेशनबाट खोज पत्रकारिता पुरस्कार पनि जितेका थिए ।
उनले पत्रकारिताका विभिन्न विधामा बेलायत, अमेरिका, अष्ट्रेलिया र नेदरल्याण्डबाट अध्ययन तथा तालिम लिएका छन् ।