मन्त्रीबाट हटाइएका चौधरी एमाले प्रवेश गर्दै

कैलाली । सुदूरपश्चिम प्रदेशमा केहीबेरअघि बर्खास्त गरिएका भौतिक पूर्वाधार राज्यमन्त्री कुलवीर चौधरी नेकपा एमालेमा प्रवेश गर्न लागेका छन् ।

कञ्चनपुरमा आयोजित एमालेको पार्टी प्रवेश कार्यक्रममा चौधरी मञ्चमा बसेका छन् । आज नेकपा एकीकृत समाजवादीका संसददेखि प्रदेशका पूर्वमन्त्री सम्मका नेताहरू एमाले प्रवेश गर्ने कार्यक्रम रहेको छ । उनीहरूको स्वागतका लागि अध्यक्ष केपी शर्मा ओली यहाँ आइपुगेका छन् ।  त्यही सन्दर्भसँग जोडिएर मुख्यमन्त्री त्रिलोचन भट्टले उनलाई मन्त्रीबाट हटाएका थिए ।

एमालेबाट निर्वाचित उनी नेकपा एकीकृत समाजवादी पार्टीमा सनाखत गरेर मन्त्री बनेका थिए । आज उनी पार्टी प्रवेश कार्यक्रममा उपस्थित भएका हुन् ।